Transkription / 2 [636

Das Euangelium von gott in die ſtat galilee. der nam was nazaret zuͦ einer iungkfrawen gemehelt eim man des nam was io ſeph von dem hanß dauid. vnnd der nam der iungfrawen. was Maria. der engel gieng ein zuͦ ir. vnd ſprach Gegruſſet ſeiſtu vol der genaden. d̓ herr mit dir. du biſt geſegent vnder den weibē. Do ſie es gehoͤrt. ſie ward betruͤbt in ſeiner red. vnnd gedacht. was diſer gruß wer. Vnd der engel ſprach zuͦ ir. Maria nit fuͤrcht dir. wann du haſt funden genad by got Syh du wirſt empfahen in dē leyb. vnd geberen eynen ſun. vnnd wirſt heyſſen ſeynen namen Iheſus. der wirt groß. vnd wirt genennet werden ein ſun des aller hoͤhſten. vnnd im wirt geben der herre got den ſtul dauid ſeins vaters. vnd er wirdt regiren in dem hauß iacob ewigklich. vnd ſeins reichs wirt nit ende. Vnd maria ſprach zuͦ dem engel. In welcher weyß geſchicht ditz. wann ich er kenn keynen mann. Der engellant/ wurt. vnd ſprach zuͦ ir. Der heylige geyſt kumpt von oben in dich. vnd die krafft des hoͤſten wirt dich vmbſchatten. vnd darumb das heylig. dz von dir wirt geborn. wuͤrt genennet werden der ſun gottes. vnd ſih. elizabet dein mum hatt eynen ſun empfangen in irem alter. vnnd iſt das der ſehſt monedt. der die do wirt geheyſſen vnberhaft. Wan̄ alles wort wirt nit vnmuͦglich bey got. Vnnd maria ſprach zuͦ dem engel. Sih dy diern des herre. mir geſcheh nach dei nen worten. Vnnd der engel ſchyd ſich von ir. vnnd Maria ſtuͤnd auff in den tagen. vnnd gieng ab mit eylen. über das gebirg in die ſtat iuda vnd gieng in das hauß zacharie. vn̄ gruͤſſet elizabet vnnd es geſchah. do elizabeth het gehoͤrt dē gruß Marie Das kind frewet ſich mit freuden in irem leyb. vnd elizabeth ward erfuͦl let mit dem heyligen geyſt. vn̄ ſchry mit groſſer ſtymm. vnd ſprach. Du biſt geſegendt vnder den weyben. vnnd geſegendt iſt dye frucht deynes leybs. vnnd wouon iſt mir das das die mutter meyns herren iſt kūmen zuͦ mir. Wann ſih. als die ſtym deins gruͦß iſt word ein meyn oren do hat gefrolocket das kind mit freu den in meym leyb. vnd du biſt ſelig das du haſt gelaubt die ding. die dir ſeind geſagt vom herren. dann ſye werden volbracht Vn̄ maria ſprach Meyn ſeel groͤſſet den herren. vnnd meyn geyſt hatt gefrolocket inn gott meynem heyl. Wann er hat angeſehen die demuͤtigkeyt ſeyner diern. Wann ſih. auß dem werden mich ſelig ſagē alle geſchlecht. Wan̄ der do iſt gewaltig der thet mir gro ſe ding. vnd ſein nam iſt heilig. Vn̄ ſein barmhertzigkeyt iſt von geſchle cht in geſchlecht. den die in fuͤrchten. Er tet den gewalt in ſeimarm. vn̄ zerſtrewet die hohfertigen in dem ge müt ires hertzen. Die gewaltigen hat er abgeſetzet von dem ſtul vnd hat erhoͤht die demuͤtigen. Die hun gerigen hat er erfuͤlt mit guͦten din gen. vnnd die reichen hat er eytel gelaſſen. Er empfing iſrahel. ſeyn kind. vnd gedacht ſeiner erbermbde Als er hat geredt zuͦ vnſern vetern abraham. vnd ſeim ſamen in ewig keyt. Vnnd Maria belib bey ir. bey dreyen monaden. vnd kert. wider in ir hauß. vnd die zeyt des geberns eli zabet ward erfuͤlt. vnd ſie gebareynen ſun. Vnd da die nahbawren. vn̄