Seite
Das Euangelium vnd̓ in. welcher auß in wer geſehen der merer zuͦ ſein. vn̄ er ſprach zuͦ in Die künig der voͤlcker herſchen der iren/ vnnd die do haben den gewalt uͤber ſie. die werden geheyſſen dye woͤltuͦer. aber ir nit alſo. vnd der da iſt der merer vnder euch. der wirtals der mynder. vn̄ der da iſt der fuͤrge­er. der wirt als der die ner. wann wer iſt mer. der da ruet oder der da dient Iſt es denn nit der. der da ruet. dan̄ ich bin in mitt ewer. als der da dient Ir ſeit aber die. die ir ſeit bey mir be­liben in meine verſuchungen. vnnd ich orde euch dz reich als es mir hatt geordent meyn vater. das ir eſßt vn̄ trinckt auff meim tiſch. in meynem reych. vnd ſitzt auff die ſtuͤll zeurtey­len die zwelff geſchlecht iſrahel. Vn̄ da der herr ſprach zu ſymon. Symo ſyh. ſathanas hieſch euch. das er euch reyttert als den weytzen. Aber ich bat vmb dich das dein glaub nicht gebreſt. vnd du etwann bekeret beſte te dein bruͦder Er ſprach zu im Herr ich bin bereyt mit dir zugeen in den kercker. vnnd in den tod. vnnd er ſp­rach Ich ſag dir peter. der han ſingt heut nit vntz das du mich dreymal verlaugneſt zukennen vnd er ſprach zuͦ in Da ich euch ſandt on ſack vnd on taſchen vnd on geſchuͦh. gebraſt euch denn ichts. vnd ſie ſprachen zu im nichts. Darumbe er ſprach zuͦ in aber nun der do hat ein ſack der nem auch zuͦgeleicherweyß ein taſch. vnd d̓ da nit hat. der verkauff ſein rock vnd kauff ein ſchwert. wann ich ſag euch das. das geſchrybē iſt. das muͦß erfuͤlt werden in mir. vnd das er ge­acht iſt mit den vngerechten. wann die ding. die da ſeind vonn mir. dye haben eyn end. vnnd ſie ſprachen zuͦ im Herr ſih. hie ſeind zwey ſchwert. vnd er ſprach zuͦ in. es iſt genug Vn̄ er gieng auß nach ſeiner gewonheyt an den oͤlberg. wann auch die iung er nachuolgten im. vnnd da er was kummen zu der ſtat. er ſprach zuͦ in. Bett. das ir icht geet in verſuchung vnd er ſchyd ſich von in als vil als ein wurff eins ſteyns iſt. Er neyget die knye. vnd bettet. ſagend. Vatter ob du wilt uͤbertrag diſen kelch von mir. yedoch. nicht meyn wil werde. aber der dein. vnd der engel erſchyn im hymel. vnd ſterckt in. Vnnd da er was in dem ſtreytzwiſchen des le­bens vnnd des tods. da bett er langk­ſamer. vnd ſeyn ſchwayß ward als die tropffen des bluͦts niderlauffent auff die erde. vnd da er was auffge­ſtanden von dem gebett. vnnd was kumen zuͦ ſeinen iungern. er fand ſy ſchlaffen vor trawrigkeit. Vnd er ſp rach zuͦ in. Was ſchlaffend ir. Steet auff vnnd bett. dz ir icht geet in verſuͦ chung. Noch da er redt. ſeht dy ſchar vnd der da iſt geheyſſen iudas einer vor den zwelffen gieng vor in. vnd er genahet zuͦ iheſum das er in kuſſer Aber iheſus ſprach zu im. Iuda du verratteſt den ſun des menſchen mit dem kuß. vnnd da ſie ſahen die bey im warn. was da was kuͤnfftig ſye ſpra en zuͦ im. Herr. ob wir ſchlahen mit dem ſchwert. vnd einer von inſch­luͦg den knecht des fuͤrſten der prye­ſter. vnnd haw im ab ſeyn gerecht or Ieſus antwurt. vnd ſprach. Laſſet daruon vntz her. Vnd da er het ge­ruͦret ſein or er machet in geſund. Ie ſus ſprach zuͦ den furſten der prieſter vnd zuͦ den meyſterſchafften deste pels vn̄ zuͦ dē altē dy da warē kumē zuͦ im. als zu einē ſchaher ſeit ir ußg