Transkription / 2 [678

Euangelium Das vnnd fraget in mit manigen worten vnd er antwurt im nichts. Aber dye fuͤrſten der prieſter. vnnd die ſchreyber ſtunden ſtetigklich in verclagen de Vnd herodes verſchmecht in mit ſeim heer. er verſpott in. vnd leget in an mit eym weyſſen gewand. vnnd ſant in wider zuͦ pilato. Vnnd herodes vnd pilatus wurden freund an dem tag. wann vor warn ſye veind aneinander. wann pilatus ruͦffet zeſamen den fuͤrſten der priſter. vnd dē mayſterſchafften vnd dem volck. vn̄ er ſprach zuͦ in Ir habt mir bracht dy ſen menſchen. als abkerend dz volck vnd ſeht. ich frag in vor euch ich vin de keyn vrſach an diſem menſchē. vō den dingē in den ir in verſaget. noch auch herodes. wann ich ſand euch zuͦ im. vnd ſeht nichts wirdigs des todes iſt im gethan. ich wil in ſtraffen vnd in laſſen. Wann noturfftigklichen hett er in einē zuͦgelaſſen durch den hohtzeittlichen tag. Da ſchrey mit einander alle ſchar ſprechend. Nym diſen. vn̄ laß vns baraban. der vmb einen aflauff. der etwan̄ was gethan in der ſtatt. vnd vmb die mannſchlacht. geleget in den kercker. Da redt aber pilatus zuͦ in. vnd wolt laſſen Iheſum. vnd ſie vnderſchryhen im. Rreutzige in. kreutzige in. vnd er ſprach zuͦ dem dritten mal zuͦ in. was uͤbels hat er gethan. ich vinde keyn ſach des todes an im. Darumb ich keſtig in. vnd laß in. Sie auffſtunden mit groſſer ſtymm. vnd hyeſchē das er wurd gekreutziget. vnd ſterck ten ir ſtymm. vnnd pilatus vrteylt das geſchah ir heyſchung vnnd ließ in den/ den ſie hyeſchen. der vmb dye mannſchlecht vn̄ vmb den aufflauſ was geleget in den kercker. vnnd Ie ſum antwurtet er irem willen. vnd do ſye in fürten. ſie begriffen eynen man cireneer. kumend von dem dor vnd ſie legten im auff das kreutz zuͦ tragen noch Iheſum vnnd vil ſchar des volcks nachuolgten im. vnd d̓ weyber die in beweynten vnd klag ten. Vnd Iheſus vmbkert ſich vnd ſprach zuͦ in. Ir toͤchter iheruſalem nicht woͤlt weynen uͤber mich. Aber weynet uͤber euch ſelber vnd uͤber eu wer ſuͤn. wann ſeht dy tag kummen in den ſie ſprechen. Selig ſeynd dye vnberhafftigen. vnd die leyb. die do nit gebaren. vnnd die bruͤſt. die do nit ſeugten. Denn beginnen ſye zuͦ ſagē zuͦ den bergen fallet auff vns vnnd zuͦ den buͤheln bedecket vns. wann ob ſie ditz thun ann dem gruͦnen holtz. was geſchicht ann dem duͦrren. Es wurden auch zwen ander ſchelck gefuͤret mit im das ſie wuͤrden getoͤdt Vnd darnach da ſie warn kummen an die ſtat. die iſt geheyſſen caluarie da kreutzigten ſie in. vnd die ſchacher den eynen zuͦ der gerechten den andern zu der lincken. Vnd Iheſus ſp rach. Vater vergib in. wann ſye wiſen nicht was ſie thun. vnnd da ſie het ten geteylt ſeyne gewand. ſie legten die loß. vnd das volckſtund harrēd vnd die fuͤrſten verſpotten in. mit in ſagend. Die andern hat er heylſam gemacht. Iſt er chriſtus der erwelt gottes. er mach ſichſelber behalten. Vnnd auch dy ritter genahenten ſich vnd ſpotten ſein. vnd boten im eſſigk. ſagend. Ob du biſt der kuͦnig d̓ iuden. mach dich ſelber heylſam. Es was auch die uͤbergeſchryfft geſchryhen über in mit krychiſchen buchſta. ben. vnd latiniſchen. vnd hebrayſchē der iſt der kuͤnig der iuden. vnnd ey