Seite
Euangelium Das erſteen. Vnnd ſie gedachten ſeyner wort. ſie kerten wider von dem grab vnnd verkunten alle diſe dinng den aylffen. vnd den andern allen. vnd es was maria magdalena vnd io­hanna. vnd maria iacobi. vnnd dye andern die mit in warn. die da ſagtē zu den zwelff botten diſe ding. Vnnd diſe wort waren geſehen vor in als ein geſpoͤt. vnd ſie glaubten in nit Aber petrus ſtūd auff. er lieff zuͦ dez grab. er naygt ſich. vnd ſah dye tuch geleget allein. er gienghin vn̄ wun­dert ſich bey im. was da was gethan Vnd ſeht zwen von in giengen an dem ſelben tag. inn ein caſtel. das da was von iheruſalem in der weyt bey ſechtzig ſtadia. mit namē emaus. vn̄ ſie redten von einander vonn allen den dingen die da warn geſchehē. vn̄ es ward gethan da ſie redten vnnd fragten mit in. Iheſus genahet ſich vnd gieng mit in. vnnd ire augen waren enthalten. das ſie in nicht er­kanten. vnnd er ſprach zuͦ in. Was ſeind die wort. die ir redt zuͦ einander geend vnd ſeyend betruͤbet. einer des nam was cleophas. antwuͦrt vnnd ſprach zuͦ im Biſtu allein ein bilgrā in iheruſalem. vnnd haſt nit erkant die ding die da ſeind gethan in diſen tagen. Er ſprach zuͦ in. welche. vnnd ſie ſagten von iheſu von nazaret. d̓ do was ein man ein weyſſag gewal tig in dem wort. vnd in den werckē vor got vnd allem volck. vnnd inn welcherweyß in haben geantwurt dye oͤberſten prieſter. vnd vnſer fuͤr­ſten in die verdamnuͦß des tods. vn̄ haben in gekreützigt. vnnd wir ver­ſahen vns. das er wer erloͤſen iſrahel vnd über alle diſe ding iſt hewt der dryt tag. das diſe ding ſeind gethan vnnd auch ettlich weyber von den vn ſern erſchreckten vns. dy vor dē liecht warn zu dem grab gangen. ſie kamē vnd ſunden nit ſeinen leib. ſie ſagtē auch ſie hetten geſehen ein geſcht der engel. die ſagen er leb. vnd etlich vō den vnſern gingen hin zuͦ dem grab vnnd funden alſo. als die weyber het ten geſagt. aber in funden ſie nit. vn̄ er ſprach zuͦ in. O ir toren vnnd tre­ges hertzen zugelauben in allen din gen. die. dy weiſſagen haben geredet Muſte nit chriſtus leyden diſe ding vnnd alſo eingeen in ſein glori. vnd er fieng an von moyſe. vnd von al len weyſſagen. vnd legt in auß von allen geſchryfften die da warn von im. vnd ſie genaheten dem caſtell zuͦ dem ſie giengen. vnd er erzeygt ſich als wolt er ferrer geen. vnd ſie zwu­gen in ſagend. beleib bei vns. wann es was abent vnnd der tag iſt yetzunt genaygt. vnd er gieng in mit im vn̄ es ward gethan. da er ruet mit in. er nam das brot vnd geſegentes. vnd brach es vnd gab es in. vnd ir augē wurden auffgethan vnd erkantē in vnd er verſchwand vor iren augen vnnd ſie ſprachen zuͦ einander was nit vnſer hertz brinnend in vns da er redt an dem weg. vnd vns aufftet die geſchryflt. Sie ſtunden auff zuͦ der ſelben ſtund. vnnd kerten wider in iheruſalem. vnnd ſie ſunden dy eilff geſamelt. vnnd die. die bey in waren ſagend. wann der herr iſt erſtanden. werlich. vnnd iſt erſchynen ſymoni vnd ſie ſagten die ding. die da warn geſehen an dem weg. vnd in welch­erweyß ſie in hetten erkant in der bre­chung des brots. Vnd da ſie redten diſe ding. ieſus ſtund in der mitt vn der in. vnd ſprach zuͦ in. Der fryd ſei