Transkription / 2 [686

Das Euangelium in dem weynſchencken. vnnd ſie brach ten im. vnd da der weynſchenck hett verſucht das waſſer. das es wz wein worden. vnd er wiſt nit. wauon es was. wann die diener die da hetten geſchoͤpfft das waſſer die weſten es. Da vordert der weinſchenck dē breu tigam vnnd ſprach zuͦ im. Eyn yeglich menſch ſetzt zuͦm erſten guͦtten weyn. vnnd ſo ſie werden truncken denn der da iſt erger. aber du haſt be halten den guͦtten weyn vntz daher Diſen anfang der zeychen thet iheſuſ in chana galilee. vn̄ offenbaret ſein glori. vnd ſein iungern glaubte an in. Vnd nach diſen dingen Iheſus gieng ab in capharnaum. er. vnnd ſein muͦtter vnd ſein bruͤder. vnnd ſein iungern. vnd bliben da nit vil tag. vnd die oſtern der iuden wz nahend vnd iheſus gieng auff zu iheruſalem. vnnd fand imm tempel dye verkauffenden die ochſſen. vnnd dye ſchaff. vnd die tauben. vnnd die wechß ler ſitzend. vn̄ da er het gemacht ein geyßel als von ſeylen. er warff ſyalle auß dem tempel die ſchaff vn̄ auch die ochßen. vnd ſchuttē auß die mün tze. der wechßler. vnnd vmbkerte dye tiſch. vnnd ſprach zuͦ den. die da verkaufften die tauben. Thut hin dyſe ding. vnnd nicht wolt machen das hauß meynes vatters eyn hauß des geſcheffts. wann ſein iungern gedachten das es iſt geſchryben. die liebe deines hauß aſſe mich. Darumb dye iuden antwurten vnd ſprachen zuͦ im. Was zeychen zeygſtu vns. das du thuſt diſe ding. Iheſus antwurt vnd ſprach zuͦ in. Loͤſet auff diſen tē pel. vnnd in dreyen tagen wil ich in wider erkucken. Darumb die iuden ſprachen. In. xlvj. iaren iſt gebawē diſer tempel. vnnd du wilt in wider erkuͦcken nach dreyen tagen. Aber er ſaget von dem tempel ſeines leibes. Darumb da er was erſtanden von den todten. ſein iungern gedachten das er hett geſagt. diſe ding. vnd gelaubten der geſchryfft. vnd dez wort das in iheſus hett geſagt. vnd da er was zuͦ iheruſalem zu oſtern an dez hohtzeyttlichen tag vil glaubten inn ſeinen namen. ſye ſahen ſeyn zeychē die er thet. wann erſelb iheſus gelaubet nit ſich ſelber in. darumb das er ſye alle erkant. wann es was im nitt not das yemant geb gezeuknuß von dem menſchen. wann erſelb wiſt waſ dings were in dem menſchen. Das.IIIIIII. Capi. V. Nycodemus des nachtes zuͦ iheſu kam. vnnd wie iheſus im vil ſchoͤner lere von dem glauben ſaget. Vnnd wie iheſus in iudea. vnnd iohannes in enon bey ſalim tauffet. vnd zeugnuß von iheſu gab. Und ein man was auß den phariſeern mit namen Nycodemus ein fuͤrſt der iuden. der kam inn der nacht. zuͦ iheſu. vnnd ſprach zuͦ im. Ka bi. wir wiſſen das du biſt kumen vō gott ein meyſter. Wann keyner mag thun die zeychen. die du thuſt es ſey dann das got ſey mit im. Iheſus atwurdt vnnd ſprach zuͦ im. Werlich werlich werlich ſag ich dir. der nitt anderweid wirt geborn der mag nit ſehen das reych gottes. Nycodemus ſprach zuͦ im. In welcherweyß mag der menſch werden geboren. ſo er iſt alt. mag er denn aber eingeen inn