Transkription / 2 [719

zu den. Romern CCC X. ſamen lere haben ſy allzeyt nider ge drucket die ſuͤnde des volcks. vnnd von wegen des exempels. wie wir ſoͤllen leben. haben ſie auch zuͦ vnſer gedechtnuß dy buͦcher übergeſen det. Aber fragt man. warumb paulus nitt mer hatt geſchriben zuͦ den kirchen den̄ v. epiſteln. den̄ warumb ir ſeind. x. mitt der epiſtel zuͦ den iuden. wen̄ die vier ander ſeind beſun der zuͦ den iungern geantwurt. Dz iſt darumb geſchehen. dz er wolt beweyſen das die new ee nitt entzwey wer von der altē ee. Vn̄ das er nitt tete wider das geſetz moyſi. vn̄ darumb hat ergeordet. v. epiſteln. nach der zal der. v. gebotten vnſers herren vn̄ wieuil der hat auffgeſetzt gebott den. die do warn erlediget von pharaone auß egipten lande mitt ſouil epiſteln leret er die. die gefreyet ſind worden von dē teufel vn̄ von dem dienſt der abgoͤtierey. Wann auch zwuͦ ſteinin tafeln ſoll er gehabt ha ben die die da habē gehabt die figur zweyer teſtament als vns dye weyſen gelerten mann gegeben haben. Die epiſtel die er ſchreybt zuͦ den iuden. vmb die haben etlich gekrieget vnd geſprochen das ſie nit ſant pau lus ſind vmb das. das ſein nam nit darin̄ zuͦ vorderſt geſchriben ſey. vn̄ darumb auch das die wort vnnd die geſchrifft den andern epiſteln vnge ieych ſein. vnd ſprechen alſo das ſye barnabas gemacht hab. nach dē als will tertulianus. Aber dye andern ſprechen. das ſy lucas gemacht hab. Die dritten meynen. das ſie clemēs gemacht hab. der geweſen iſt ein iūger der zwoͤlff botten vnnd eyn biſchof zuͦ rom. Vnd den müſſen wir alſo antwurten. iſt darumb die epiſtelad hebreos nit ſant paulſen darumb. das ſein nam nit darin̄ geſchri ben iſt. ſo iſt ſie auch nit der andern. als barnabe. luce. vnnd clementis. denn warumb. es ſeind auch ire namen darin̄ nit geſchriben. Alſo wer die epiſtel nyemandts das doch garvnzymlich iſt. vnnd grob lautet in vnſern oren. es iſt mer gelaubig. dz die epiſtel ſant paulſen ſey. die do ſo clar ſcheynt in meiſterlicher leer. vn̄ ſprach aber darumb das bey den hebreyſchen kirchen paulus warde ge habt in valſchem arckwon. als eyn zerſtoͤrer des geſetzes vnnd darumb wolt er in der obgeſchriben epiſteln verſchweigen ſeinen namen. vnnd wolt geben gezeugknuß vō der war heit iheſu chriſti. vnd von den figuren des geſetzes. auff das das nit der haſß. den die iuden truͤgen zuͦ dē namen des prelaten pauli. auſſchlüſſe dē nutz d̓ letzen. Vn̄ es iſt nit wund̓ dz pauluſ iſt geweſt geſprecher in ſei ner eigen zūgen. das iſt in hebreiſch wen̄ in einer frembdē zungē dz iſt in kriechiſch. wen̄ dy andern epiſtel hat er alle geſchriben in kriechiſcher zun geen. Auch werdē etlich bewegt war umb der roͤmer epiſtel ſey zum erſtē geſetzet. ſo er doch die nit zum erſten hab geſchriben. wann paulus bezeu get ſelb. daſer diſe epiſtel geſchriben hab. da er ſey gezogen gen iheruſalem. vn̄ die corinthier vn̄ ander yetzūd vor ermant hab. dz ſy dē dienſt den er wuͤrde mit im tragen in den brieffen auffloͤſen Aber darnach woͤl len etlich. man ſol es alſo verſteen. das alle epiſtel geordent ſeyen Das diſe epiſtel am erſten geſetzet wuͤrde wie wol ſye zum letzſten ſey geſendet worden. auff das dz man durch