Seite
Die Epiſtel alle epiſtelle moͤchte kummen zuͦ d̓ ſtapfeln der volkumēheit. wan̄ war umb etlich roͤmer warē ſo grob vn̄ vnuernüfftig. das ſie nicht mochtē vernemen das ſie ſelig vn̄ behalten worden wern mitt gots genadē on ir eygen verdienſtnuß. vmb das ſelb warn zweyerley menſchen auffſtoͤſ­ſig vn̄ kriegten mitteinander. vn̄ dy ſelben dorfften wol das ſie von pau lus lere vn̄ geſchriffte wurden beſte tiget. vn̄ vmb dz vernewet paulus die vergangen laſter vnd ſchanden der heyden. den von corinthien ſpri chet paulus wie im got hab gegebē die genad der kunſt vnd der witz vn̄ nitt allein ſtrafft ſie paulus vmb ir ſünde. Auch darumb das ſie andere ſünder nit haben geſtrafft. als alda da er ſchreibt vn̄ ſpricht. Man hoͤrt vnder euch die vnkeuſcheit. vn̄ aber mer. Als ir geſamelt ſeir mit meynē geiſt ſol man dy menſchen geben dē ſathan. In der andern epiſtel lobt er ſy vn̄ ſpricht mit vermanung. dz ſie mer vnnd mer ſoͤllen zuͦnemen. Galathe werden entſchuldiget das ſie ſind on alle laſter. on das alleyn. das ſie haben gelaubet den liſtigen valſchen apoſtolen. Die epheſi wer den nicht geſtrafft in eynichen ſachē ſunder ſy ſind wirdig vil lobs. wan̄ ſie behalten haben apoſtoliſchen ge laubē. Die philippenſes werdē noch hoͤher gelobt. darūb das ſie nit wol ten hoͤrn die valſchen apoſteln Die von theſſalonicenſes ruͦfft Paulus auß in zweyen epiſteln. das ſie alles lobs werdt ſind. nit allein darumb das ſie den gelauben d̓ warheyt vn­brichlich gehalten haben. ſund̓ auch das ſie in der durchechtung der bur­ger ſein beſtendig erfunden wordē. Aber die coloſſenſes waren ſoͤllich. wiewol ſie nit waren leyplich erſehē von ſant paulſen. So ſein ſie doch des lobes wirdig bey im gehabt ge weſen. das er ine alſo zuͦgeſchryben hat. wiewol ich leiplich vō euch bin noch dann ſo bin ich mit dem geyſt frewend bey euch. vnd ſich ewer ord nung. was ſoll ich ſprechen vō den hebreyſchen. ſo man von in ſpricht das ſie ſeind nachuolger der vō theſ ſaloniceſes. die manigfeltiges lobs werdt ſind. als geſchriben ſteet. vn̄ ir bruͦder ſeind worden nachuolger der kirchen gots die da ſind in iudea wann auch ir habt gelitten von ew­ern mitburgern. das ſie haben erlit­ten von den iuden. wan̄ die ding ge dencket er bey den hebreyſchen. vnd ſpricht. ir habt mittleydē gehabt mit den geuangen. auch habt ir froͤlichē auffgenumen den raub ewerer gü­ter. wan̄ ir habt bekant das ir habt ein beſſer vnd beleybent guͦt. Bo volget her nach die ſunderlich vorred in die epi ſtel. die ſant Paulus an die roͤmer geſchriben hat. Omer ſind dy do auß den iuden vn̄ hey den gelaubten. vnd mit eim hohfertigē kriege ſich wider eyn ander ſetzten. Wann die iuden ſpra chen. Wir ſeynd das volck gots dye er von dem anfang hat liebgehabt vnd erneret. Wir ſeyn beſchnitten. vnnd ſeyn auß dem geſchlecht abra hams. von dē heyligen ſtamm ſeyn wir abgeſtigen. vnnd got iſt zum