Transkription / 2 [755

CCCI. IIIIIIIIII. zuͦ dē Coritithiern Vnnd das er iſt begraben. Vnnd das er erſtunnd ann dem drytten tag nach den geſchryfften. vnnd das er iſt geſehen worden cephe. das iſt petro. vnd darnach den aylfen. Dar nach iſt er geſehen mer denn fuͤnffhū dert bruͦder mit einander auß dē vil beleiben vntz nuͦ. Aber etlich ſeynd geſtorben. darnach iſt er geſehen iacobo. darnach allen zwelffbottē. Aber zuͦ iungſt aller. iſt er auch mir geſehē worden. als eim verdurbling. Wan̄ ich bin der mynſt vnder den zwelffbotten. der ich nit wirdig bin genennet. zewerdē ein zwelffbott wan̄ ich habe durchechtet die kirchen gottes. aber das ich bin. das bin ich vmb dy genad gottes. wann ſein genad wz nit ler in mir wann ich hab gearbeit begnuͦglicher. denn diß all. Aber nit ich. Sunder die genad gottes mit mir. Wann ob ich oder ſie. alſo habē geprediget. vnnd ir es alſo habt gelaubet. Wann ob chriſtus wirt geprediget. das er ſey erſtanden vonn den todten in welcherweiß ſprechen etlich vnder ewch. das die offerſteeung der todten nit ſei. Wann ob dy auffſteeung der todten nitt iſt. So iſt auch chriſtus nit erſtanden. Iſt aber chriſtus nitt erſtanden. So iſt vmb ſunſt vnſer predig. vnnd ewer glaub iſt eytel. wir werden auch erfunden falſch gezewgen gottes. das wir haben geſagt falſch gezeuknuß wider gott. das er chriſtum erkucket hab. den er nit hat erkucket. Iſt das die todten. nit erſteen. Ob die todten nit erſteen. So iſt auch criſtus nit er ſtanden. Iſt denn chriſtus nitt erſtanden. So iſt ewer glaub eytel. wann ir ſeit noch inn ewern ſuͤnden vnd darumb. die do ſtorben in chriſto die ſeind verdorben. Ob wir allein in dieſem leben hoffnung haben in chriſto. wir ſeynd durſtiger denn alle menſchen. wann nuͦ chriſtus iſt erſtanden von den todten zum erſtē der ſchlaffenden. wann der tod iſt durch den menſchen. vnnd die aufferſteeung der todten durch dē menſchē vnnd als alle menſchen ſterben inn adaz alſo werden ſie auch lebendig in chriſto. Ein iegklicher in ſeim orden. zuͦ dem erſten chriſtus. darnach die. dye do ſeind chriſti. die do glauben an ſein zuͦkunfft. Darnach das end. ſo er antwurt das reich got. vn̄ den vater. ſo er außtylget allen furſtenſtūb. vn̄ gewalt vn̄ krafft Aber d̓ muͦß regnire. vntz dz er leg all ſein feind vnd̓ ſein füß Aber zuͦm letzſtē wirdt der veindtlich tod zerkniſchet/ wann alle ding hat er vndergeworf fen ſeinen fuͤſſen. So er aber ſpricht alle dinng werde im vnderleget. on zweifel on dē d̓ im hat vnderworffen alle ding. wann ſoim ſeind vnderle get alle ding. So wirt im auch den̄ der ſun vndergeworffen. der im hat alle ding vndergeworfē das got ſei alle ding in allen dingen. anderſt. was werden die thuͦn. die do werden getaufft vmb die todten. Ob die tod ten gantz nit erſteen. was werden ſy auch getaufft vmb ſy. warumb ver derben auch wir in einer yegklichen ſtund. Bruͤder ich ſtirb teglich vmb ewer glori. die ich hab in Ieſu chriſto vnſerm herre. Ob ich hab geſtritt ten nach dem menſchen wyder dye thyer. zuͦ epheſt was iſt es mir nutz. iſt das die todten nitt erſteen wir ſol len eſſen vnd trincken. morgē werdē wir ſterben. Nicht ſuͤllet ir verfuͤret werdē wann die boͤſen red zerbrechē