Seite
Epiſtel Die ander Ger bruder wir thuͦn euch kund. dye gnad gotz. die do iſt gege ben in den kirchen zuͦ macedonie dz die begnügūg ir frewde was in ma­niger bewerung des trübſals. vnd ir hoͤhſte armuͦt dye begnügten in den reychtumen irer einualt. Wan̄ ich gib in gezeugknuß nach d̓ krafft das ſy warn willig über dye krafft mit vil ermanung vns bittend die genad vnd gemeinſame des dienſts der do geſchiht in die heyligen. Vn̄ nit als wir vns verſahen. wann ſye gaben ſichſelber zumerſten dem her ren. darnach vns durch den willen gotz. alſo das wir baten tytum das er anfieng. dz er auch alſo volbring diſe genad in euch. Aber als ir uͤber fluͤſſig ſeyt in allen dingen in dem gelauben. vnd in dem wort vnd in der wiſſenheit. vnd in aller ſorg vn̄ hierüber mit ewer lieb in vns. Das auch ir in der genad überfluͤſſig ſeit Ich ſag nit als gebietēd. aber durch dye ſorg der andern bewere ich auch den guͦten ſynn ewer liebe. Wan̄ ir wiſſt die gnad vnſers herren Iheſu chriſti. wiewol er reych was. Iſt er durſtig worden vmb euch. das ir in ſeyner armuͦt. reych weret. Vnd ich gib den rat in diſem. Wann ditz iſt euch nütz. dy ir allein habt angefan gen zethuͦn Sunder auch zewoͤllen wann auch nu volbringt es mit dē werck. das. als dz gemüt des willen iſt bereyt alſo ſey er auch zuͦuolbrin­gen von dem. das ir habt. wann ob der will iſt bereit. er iſt auch angenē me nach dem das er hat. nit nach dē das er nicht hat. wann ich will nitt das den andern ſey vergebung. vn̄ euch die truͤbſale. Aber auß der gelei cheit in der gegenwürtigen zeyt daſ ewer begnūgung erfuͤll iren gebre­ſteen. das auch ir begnuͦgung ſey ein erfüllunge ewers gebreſten. das die gleicheyt werde als geſchryben iſt. Der do vil hett. der iſt nitt reych ge­weſen. vnnd der do wenig hett. den mindert es nitt. Aber die genad ſey got. d̓ do gab dye ſelben ſorge vmb euch in dem hertzen Tyti. wann er empfieng die ermanung. aber do er ſorgfeltiger was. do gyeng er mitt ſeim willen zuͦ euch Wir ſantē auch mit im vnſern bruͦder. des lob do iſt in dem euangelium durch allen kir chen. aber nit allein. wan̄ er iſt auch geordent von den kirchen. ein geſell vnſers ellen ds in die genad. dye do wirt gedient von vns zuͦ der glori des herren. vnnd zuͦ vnſerm vorge­ordenten willen. vermeydet das dz vns keyner leſtere in der erfüllung dye do wirdt gedyenet von vns zuͦ der glori des herren. Wann wir für ſehen guͦte ding. Nit allein vor got ſunder auch vor dem menſchen. wir ſenten auch mit in appollo vnſern bruͦder. den wir dick bewert habe. daſ er offt ſorgſam iſt in manigen din­gen. Aber nun iſt er vil ſorgſamer. vil troſts iſt mir in euch es ſey vmb tytum der do iſt mein geſell vn̄ ein helffer in euch. oder vnſer bruͦder die botten der kirchen der glori chriſti. Darumb dye erzeygūg. die do iſt ew er liebe. vnnd vnſer glori fuͤr euch. erzeyget in dye. in dem angeſiht der kirchen. Das X. Capitel