Seite
Epiſtel Die ander ſamkeyt. So erfüllet wirt ewer ge­horſame. Schawet die ding dye da ſein nach dem angeſiht. ob einer im vertrawet. das er ſei chriſti. ſo ſoll er das widerumb bedencken bei im ſel ber. dz. wie er criſti iſt. alſo auch wir wan̄ auch ob ich weiter wuͤrd glorie ren von vnſerm gewalt den vns d̓ herr hat geben in der bawung. vnd nit in vnſer zerſtoͤrūg. ich wird mich nit ſchemen. das ich aber nit geſche­tzet werde. als woͤll ich euch erſchre­cken durch dye epiſtel. ſprechend. ſye ſeind ſchwer vnd ſtarck. aber die ge­genwurtigen dinng des leybs ſeind kranck. vn̄ das wort verſchmehlich Darumb. der da iſt ein ſollicher der gedenck des. wie wir ſein abweſend in dem wort durch die epiſteln. Sol liche ſeyn wir auch gegenwuͤrtig in dē werck wan̄ wir turren vns nicht einmyſchen oder geleychen etlichen die ſich ſelb loben. wann wir ſelb lo­ben vns ſelber in vns. vnd gleichen vns ſelb vns. aber wir werden nicht golieren über die maß. Aber nach d̓ maß der regel mitt der vns got ge­meſſen hat das maß zereychen vntz zuͦ euch. wan̄ wir überſtrecken vns nit als nit reychendt vntz zuͦ euch. wann wir kumen vntz zuͦ euch in dē euangelio criſti. nit glorierend uͤber die maß in den frembden arbeyten. aber wir haben die zuͦuerſiht ewers gewachſen gelaubens großmechtig zuͦwerden in euch nach vnſer regel. in der begnuͦgung. Ia auch in dye dinng die euch fürbas ſeind zepredi geen. nit in eyner frembden regel in den dingen die da ſeind vorbereit ze glorieren. Wer aber glorieret. d̓ ſol glorieren im herren. wann der ſich ſelb lobet. der wirt nit bewert. aber den got lobet Das XI. Capitel Olt got das ir gedultet ein wenig mein vnweyßheit Sund̓ auch uͤbertraget mich. wann ich hab euch lieb in der liebe gots. Wan̄ ich hab euch gemehelt eim mann zeerbitten criſto ein keuſche iunckfrawen. aber das nit als die ſchlang betrog euaz mitt irer argliſtigkeyt. alſo werden auch zerſtoͤretewer ſynn. vnnd val lent auß von der einualt. dye da iſt in chriſto. wann ob der do kumt. pre diget einen andern chriſtus. den wir nicht haben geprediget. oder empfa het eynen andern geyſt. den ir nitt empfiengt. oder eyn ander euange­lium. das ir nit empfiengt. Ir wur­det recht leyden. wan̄ ich ſchatze das ich nichts mynder gethan hab von den meyſten botten. wann ob ich ia bin vngelert in dem wort. aber nitt in der kunſt. wan̄ ich bin euch offen­bar in allen dingē. oder hab ich den̄ ſuͤnde gethan. dz ich mich ſelb demü tiget. das ir wurdet erhoͤht. Wann ich hab euch geprediget das euange lium gots vergebens. vnnd hab be raubet die andern kirchen zuͦ empfa hen den ſold zuͦ ewerm dienſt. Vnd da ich was bey euch. vn̄ mir gebraſt ich was ewer keinem ſchwer. Wann das mir gebraſt. daſ erfülten dy bruͦ der. die da kamen von macedonia. vnnd ich behuͤt mich euch on burde in allen dingen. vnd wil mich behuͤ ten. Dye warheyt chriſti iſt in mir.