Transkription / 2 [770

Epiſtel Die Aulus eyn apoſtel nitt vonn den menſchen noch durch den men ſchen. aber durch iheſum chriſtum vnd gott den vater d̓ in erkuckte von den todten. vnd alle brüder dy mit mir ſind den kirchē zuͦ galath. Die genad ſey mit euch. Vnnd der frid von got vnſerm vater vnd von dē herren iheſu chriſto der ſich ſelb gab vmb vnſer ſünde dz er vns erloͤſet von der gegenwürtigen ſchalckhaftigen welt nach dem willen gottes vnd vnſers vaters. dē da iſt glori in dē welten. amē. Mich wundert das ir ſeyt als ſchyer über tragen. von dē der euch hat gerüffet in die genad chriſti in ein ander euā gelium. das nitt iſt anderſt. nuͦr es ſind ander. die euch betruͤben. vnnd woͤllen verkeren das euangeliū criſti. Aber ob wir. oder der engel von himel euch predige. on das das wir euch warlich verkündet haben. das ſey verfluͦcht Als wir euch vorſagtē vnd nu aber ſag ich. ob euch yemāt predige on dz. das ir empfangē habt der ſey verfluͦcht. Wan̄ rat ich nun den leuten. oder gott. Oder ſuͦch ich zuͦgeuallen den leuten. Ob ich noch geuiel dē leuten. ich wer nit d̓ knecht chriſti. wan̄ brüder ich tuͦ euch kund das euangelium. das da iſt warlich geprediget von mir. wann es iſt nit nach dem menſchen Wann ich hab es auch nit empfangen von dē men ſchen noch auch gelernet. Sunder durch dy eroͤffnung iheſu criſti. wan̄ ir hoͤrt ettwen mein wanderung in der iudiſcheit. das ich durchechtet dy kirchen gots über die moß. vn̄ facht ſy auß. vn̄ ich zuͦnam in d̓ iudiſcheyt über vil mein mitgenoſſen in meynem geſchlecht. vnnd war ein überfluͤſſiger nachuolger meyner veterlichen ſitten. Aber da es dem geuiel der mich ſundert von dem leyb mey ner muͦter. vnd mich ruͤfft durch ſein genad das er verkündet ſeynen ſun durch mich. das ich in prediget vnder den heyden. Zuͦhand gehallich nicht dem fleyſch vnd dē bluͦt. Noch er kam gen iheruſalem zuͦ meynen fuͤrgeenden zwoͤlffbotten. Aber ich gieng hin in arabia. vnnd aber kert ich wider zuͦ damaſcum. Darnach nach drey iaren kam ich in iheruſalem zuſehen etrum vnnd ich belib bey im fünffzehen tag. aber keynen andern zwelffbotten hab ich geſehē. nür iacobum den bruͦder des herren aber die dinng. die ich euch ſchreyb. Seht vor gott. wann ich leug nitt. Darnach kam ich in dye teyl ſyrie vnnd cilicie. aber ich was vn̄erkant mit dem antlitz den kirchen Iudee. die da waren in chriſto. Aber allein das ſie hetten gehoͤrt von mir wan̄ der vns ettwen durchechtet. nun pre diget er den gelauben. den er ettwen̄ außfacht. vnd ſye erklert got in mir Das IIII. Capitel Arnach nach vierzehen iarē gieng ich aber auff zuͦ iheruſalem mit barnaba. Vn̄ nam auch tytum aber ich gieng auff nach d̓ eroͤffnūg