Seite
zu den Galathern CCCXIIIIII auß dem glauben. Vn̄ da der glaub kamyetzund ſein wir nit vnder der leyter. Wann all ſeyt ir ſuͤn gottes durch den glauben. der da iſt in ihe­ſu criſto. wan̄ wellich ir ſeit getaufft in chriſto. Chriſtum habt ir angele get. Es iſt kein iud. noch kriech. Es iſt keyn knecht noch frey Es iſt kein man̄ noch weyb. wan̄ all ſeyt ir ein ding in iheſu chriſto Wan̄ ob ir ſeit criſti. darūb ſeyt ir der ſam abrahās vnd erben nach der verheyſſung. Das IIIIIIIIII. Capitel Ann ich ſag Wieuil zeyt d̓ erbe klein iſt. er vnd̓ſcheidet nichts von dē knecht. wiewol er ſey ein herr aller. aber er iſt vnder dē hütern vn̄ vnder den meyſtern vntz zuͦ dē vor geordenten zeyt vō dem vater Als auch wir da wir warn klein. wir wa ren dienent vnder den elementen di ſer welt. Vnd da die erfüllung der zeyt kam. got ſant ſeinen ſun gema chet auß dem weyb. gemacht vnder der ee. das er die erloͤſet. die da warē vnder der ee. das wir empfiengen dy außerwelung der ſün. wan̄ dz ir ſeit die ſün gots. gott der ſant den geyſt ſeins ſuns in vnſer hertzen ſchryend Vater. vater Darumb yetzūd iſt er nit ein knecht. aber ein ſun. Vnd iſt er eyn ſun. So iſt er auch eyn erb durch got. aber da zemal wiſt. ir gott nit. vn̄ dientit den. die vō natur nit goͤtter ſeind. Aber nun ſo ir gott er­kent. ir ſeit auch erkant von got. dar umb in welcherweiß werdt ir gekert zuͦ den krancken. vnd zuͦ den gebre­ſtigen elementen den ir anderweyd woͤlt dienen. Ir vermercket die tag vnd die monet vnd die zeyt vnnd die iar. wann ich foͤrcht euch. das ich vil leicht hab gearbeyt vnder euch on ſach. ſeyt als ich. wan̄ auch ich als ir Bruder ich bitt euch. ir habt mych nichts beleidiget. wann ir wiſſt das ich euch ietzund zum nehſten hab ge prediget durch dye kranckheyt des fleiſchs. ir habt nit verſchmeht noch verunwirdigt ewer verſuͦchungen in meim fleyſch. Aber ir empfiengt mich als den engel gots. vn̄ als ihe­ſum criſtum darumb wa iſt ewer ſe ligkeit. wann ich gib euch gezeugk­nuß. dz. ob es mocht werden gethan ir het außgebrochen ewere augē vn̄ het mir die gegebē. Darumb ich bin euch worden ein veind Sagēd euch die warheit Sie haben euch lieb vn̄ nicht wol. wan̄ ſie woͤllen euch auß beſchlieſſen. das ir ſie liebhat. wann zuallen zeyt habt lieb dz guͦt in guͦt vn̄ nicht allein ſo ich bin gegenwur tig bei euch. Ir mein ſuͤnlein dy ich euch anderweyd gebir vntz chriſtus wirt gebildet in euch Vn̄ nun wolt ich geren ſein bey euch. vnd verwann deln mein ſtymm. wann ich wird ge­ſchendet in euch ſagt mir dy ir woͤlt ſein vnder der ee. laſſet ir nitt dye ee. wan̄ es iſt geſchriben das Abrahaz hat gehabt zwen ſün. Einen vō der diern. vnd eynen von der eefrawen wan̄ der von der diern. was geborn nach dē fleiſch. aber d̓ vō der eefrawē durch die verheiſſung. aber ditz ſind zwey teſtament. die da ſeind geſagt durch geiſtlichē ſyn̄. Dan̄ dē einē an dez berg ſyna geberend in dienſt. die da iſt agar. wan̄ ſyna iſt ein berg in arabia. der da iſt gefuͤgt zuͦ der. dye