Seite
Die Epiſtel nun iſt in iheruſalem. vn̄ dient mit iren ſunnen. wann die iheruſalem dy da iſt oben. die iſt frey. die da iſt vn­ſer muͦter. Wann es iſt geſchriben. Frew dich vnperhafftige da du nitt gebirſt. brich auß vnd ruͦff dy du nit gebirſt. wann vil mer ſind ſuͦn der gelaſſen. den der dy da hat den man̄ Aber brüder wir ſein ſün der verheiſ ſung nach yſaac. Aber wie denn der der da iſt geboren nach dem fleyſch­durchechtet. den. der da iſt geboren nach dem geyſt. alſo auch nun Aber was ſpricht die geſchrifft Wirff auß die diern vnd iren ſun. wan̄ der ſun der diern wirt nit ein erbe mitt dem ſun der freyen Darumb brüder wir ſein nit ſün der diernen aber d̓ freyē mit der freyheyt. mitt der vns chri­ſtus hat erloͤſet Das.V. Capitel. Arumb ſteet vn̄ nicht woͤlt and̓ weyd behalten werden mit dē ioch des dyenſts. Seht ich Paulus ſag euch. wan̄ ob ir werdt beſchnitē. Chriſtus wirt euch nit nuͤtz ſein A­ber ich bezeug eim yegklichen men­ſchen d̓ ſich beſchneyt. dz er iſt ſchul­dig zethuͦn alle ding der ee. Ir ſeyt außgetilget vō criſto Ir die ir wer­det gerechtuertigt in d̓ ee ir ſeyt auß geuallen von der gnad. wann wir harren mit dem geyſt der zuͦuerſiht der gerechtigkeit auß dem glauben wann noch die beſchneidung iſt zuͦ ettwen̄ nuͤtz. noch die überwachßūg in iheſu chriſto. aber der gelaub der da wircket durch dye lyebe. ir liefft wol. Wer hat euch betrogen nit zuͦ gehorſamen der warheit. Niemant verhenget. Diſe vnderweyſung iſt nicht von dē der euch hatt geruffet. Ein weniger hefel zerſtoͤret dē gan­tzen teyg. Ich verſih mich vō euch im herren das ir wiſt kein and̓ ding wann der euch betruͤbt. der tregt daſ vrteyl wer er iſt Aber bruͦder ob ich noch predig die beſchneydung. was leyd ich noch die durchechtung. dar umb die ſchande des kreutz chriſti iſt vertilget. Vnd mit meinem willen ſie werdē abgehawen die euch betruͤ ben. wann brüder ir ſeyt geuordert in freyheit. allein. dz ir icht gebt ew­er freyheit in die ſchuld des fleyſchs Aber dienent aneinander durch dye liebe des geyſts. wann alle ee wirdt erfuͤllt in eim wort. Hab lieb deynē nehſten als dich ſelber. Vnnd ob ir beyſſet vnd eſſet an einander. Seht das ir icht werdt verzeret vō einan der. wann ich ſag in chriſto. geet im geyſt. vn̄ nitt volbringt die begirdē des fleyſches. wann das fleyſch bege ret wider den geyſt. vn̄ der geyſt wi der das fleyſch. Wan̄ diſe ſeind wi­derwertig an einander. dz ir nit tuͦt welche ding ir woͤlt. vn̄ ob ir werdt gefürt vom geyſt. ir ſeyt nicht vnd̓ der ee. Aber dye werck des fleyſchs ſind offenbar dy dan̄ ſein. eebrechūg vnreynigkeit. vngeſchemige werck vnkeuſch. dienſt d̓ abgoͤtter. zauber­nuß. veyntſchafft. neyd. krieg. zorn. ſcheltwort. mißhellungen. irrtum. haß. manſchlacht. fraßheit. truncken heit. vnd die diſen ſeind geleich. dye ich euch vorſag. als ich euch vorſagt Wann die ſoͤlliche ding tuͦn. die ge winnen nit das reych gotz. Aber die frucht des geyſts iſt die lieb. frewde frid gedult. lāgmuͤtigkeit. guͤtigkeit