Seite
Die Epiſtel vnd zuͦuolenden in guͦten wercken Harrend der verheyſſung an dē tag des vrteyls verwüſtēd euch nit mit ettlicher üppiger red. dz dye eroͤffen dz euch abkeret von der warheit des euangeliums das da wirdt gepredi get von mir Vn̄ nun got macht dy ding die da ſeind von mir. dyenend zuͦ dez nutz der warheit des euange­lij. vn̄ thuͦn die gütigkeit der wercke die da ſeind des heyls des ewigen le bens. Vnd nun meine band ſind of fen die ich erleyde in chriſto. vmb dy ich mich frewe. vn̄ frew mich vn̄ ditz iſt mir zuͦ der ewigē behaltſam. Daſ ſelb iſt gethan euch zuͦhelffen in ew­ern gebetten. vnd von der dienung des heyligen geyſt. Es ſey durch dz leben. oder durch den tod. wan̄ mir zeleben. iſt ein leben in criſto. vnnd ſterben ein gewin. Vn̄ erſelb tuͦ ſein erbermbd in euch. das ir habt dy ſel ben lieb vn̄ ſeyt einhellig. Darumb aller liebſten als ir habt gehoͤrt dye verwiſſenheit des herrē. alſo gehabt ſie. vn̄ thuͦt ſie in der vorcht gotz. vn̄ euch wirt dz leben ewigklich. wann got iſt. der da wirckt in euch. Vnnd welch ding ir thuͦt die thuͦt on hind̓ red oder on ſuͤnd. Vnnd allerliebſtē es iſt dz beſte. frewet euch im herren Vn̄ hüt euch vor aller vnreiner ge­winnung. All ewer eyſchung ſeind offenbar bey got. vn̄ ſeyt veſt in dez ſyn̄ criſti Vnnd die ding die da ſind gantz vn̄ gewer vn̄ keuſch vn̄ zym­lich. vn̄ recht vn̄ lieplich. die tuͦt. vn̄ die ding die ir habt gehoͤrt vnd em­pfangen. die habt im hertzen. Vnd der frid gots wirdt mit euch. Euch grüſſen all heyligen. Die gnad vn­ſers herrē ieſu chriſti ſey mit ewerm geyſt. vnd macht die epiſtel zuͦ leſen den coloſſenſern zuͦ euch Amen. Ein end hatt die epi ſtel zuͦ den laodiciern. Vnnd hebt an dye vorred über dye epiſtel zuͦ den epheſiern Pheſi ſind aſyani. diſe. da ſy em pfiengen das wort d̓ warheit. beſtuͦnden veſt in dē gelauben diſe lobt der apoſtel. vn̄ ſchreybt in von Rom auß dem kercker dē euan gelier tyticum. Die voͤrred hat ein ende. Vnnd hebet an die epiſtel zuͦ dē epheſiern. vnd hat. vi. capitel. Das erſt Capitel Aulus ein apoſtel ie ſu chriſti. durch dē willen gots allen heiligē dy da ſind epheſi. vn̄ dē glaubigē in ieſu criſto. Gnad ſey mit euch vn̄ fride vō got vnſerm vater. vn̄ vō dem herrē ieſu criſto Got ſei geſegent vn̄ der vater vnſers herrē ieſu criſti. d̓ vns hat ge ſegent in allem geiſtlichen ſegen in dē himliſchen dingē in criſto. als er vns hat erwelt in im ſelber vor der ſatzūg der welt. das wir ſein heylig vn̄ vnuermayliget in ſeinem ange ſiht in d̓ liebe Der vns vor geſchetzt het in die erwelūg der ſün durch ihe ſum criſtum in im ſelber nach dē fuͤr ſatz ſeins willen zuͦ dem lob d̓ glori