Transkription / 2 [775

zu den Laodiciern CCc XIIIIIIII ſenfftmuͦtigkeit. gelaube. meſſigkeit enthebigkeit. keuſcheit. wider diſe iſt nicht die ee. wan̄ die da ſeind chriſti die kreutzigen ir fleyſch mit den ſünden vnd mit den begirligkeyten Das.VI Capitel. O ir lebē im geyſt. ſo ſoͤllen wir auch geen im geyſt. wir ſoͤllen nit werdē begirlich eytler ere anein ander reytzend. neydend aneinand̓. Brüder vnd ob der menſch wirt be kumert in einer mißtat. ir. die ir ſeyt geyſtlich vnderweyßet den in dem geiſt der ſenfftmütigkeit merck dich ſelber. das auch du nich. werdeſt ver ſuͦcht Einer trag die bard des and̓n vn̄ alſo erfüllet ir die ee chriſti. wan̄ ob ſich etlicher ſchetzet das er etwas ſey. ſo er nichts iſt. er verfuͤrt ſich. aber ein yegklicher bewer ſein werck. vnnd alſo wirt er haben glori in im ſelber. vn̄ nicht in eim andern. wan̄ ein yegklicher wirt tragen ſein buͤrde. Wan̄ der da wirt vnderweyſen in dez wort. der gemeynſam ſich zuͦ dem der in lere in allen guͦten dingen. Nicht woͤlt irrē. got wirt nicht verſpottet. wann die dinng dye der menſch ſeet. die wirt er auch ſchneyden. wan̄ der da ſeet in ſeim fleyſchs der ſchneyt auch vō dem fleyſch. dye zerſtoͤrlichkeit. Aber der da ſeet in dez geyſt. der ſchneyt auch von dez geiſt das ewig leben. wir ſoͤllen aber guͦts thuͦn vnd nit auff hoͤren wann wir ſchniden in ſeim zyt vn̄ vns gebriſt nicht. Darumb die weyl wir haben die zeyt So wircken wir wol zuͦ allen. aber allermeyſt zuͦ dem haußge noſſen des glaubens Seht mit wz buͦchſtaben ich euch ſchribe mit meiner handt. Wan̄ die da woͤllen geuallen in dem fleyſch. diſe zwingen euch zuͦ beſchneyden. dz ſie allein nit leyden die durchechtūg des kreutzes chriſti. wan̄ die da werden beſchnittē dy behüten nicht die ee Aber ſy woͤl len. das ir beſchnitten werdet. das ſy muͦgen glorieren in ewerm fleyſch. Aber mir iſt nicht zuͦ glorieren. nur in dem kreutz vnſers herren iheſu cri ſti durch den mir die welt iſt gekreu tziget. vnd ich der welt. Wan̄ in criſto Iheſu. iſt nit etwas nuͦtz dye beſchneydūg. noch auch die überwachſung. aber die new creatur. vn̄ alle die da nachuolgen diſer regel. Frid vnd erbermd ſey uͤber ſie vnd über iſrahel gotz. Füranhin bruͦder keyner ſey mir leydig. Wan̄ ich trag dz zeychen des herren ieſu in meim leib Brūder die gnad vnſers herren iheſu chriſti ſey mit ewerm geyſt. amen Die epiſtel ad Gala thas hat ein ende. Vnnd hebet au dy epiſtel zuͦ Laodiciern. Das erſt capitel. Aulus ein apoſtel nit von den menſchen noch durch dē men ſchen. aber durch ie ſum criſtū Den̄ brüdern die da ſind zuͦ laodici Die gnad ſei mit euch. vn̄ d̓ frid von got vnſerm vater vn̄ vō dē herren ieſu criſto. Ich ſag danck meim got durch alles mein gebett. Darūb das ir ſeyt beleibend in im. bb j