Seite
Epiſtel Die in der vorbereytunge des euangelij des frides. in allen dinngen nempt den ſchilt des glauben in dez ir muͤ­get erleſchē alle fewrin geſchoß des ſchalckhaftigiſten. vn̄ empfaht den helm des heyls. vnd das ſchwert deſ geyſtes. das da iſt das wort gottes durch ein yegklich gebet vn̄ flehund bettend in einer iegklichen zeyt im. vnd wacht in im. in aller ſtetigkeyt vnd emſſiger bittung. vmb all hey ligen. vnd vmb mich. das mir werd gegeben das wort in der aufftuͦung meins mūdes zemachen kund mitt troſt die heimlichkeit des euāgeliūs darumb ich gebrauch die botſchafft in der ketten. alſo das ich tür reden als es mir gezimpt. Vn̄ das auch ir wiſſet die ding. die bey mir ſind vnd was ich thuͦ. Thiticus der lieb bruͦ­der vnd der getrew diener in dez her ren. den ich ſandt zuͦ euch in das ſelb machet euch kundt alle ding dz ir er kent die ding die bey vns ſeind. vnd ewer hertzen werden getroͤſt. Frid ſey den brüdern vnd die liebe nit dē gelauben vō got vnſerm vater. vn̄ von dē herren iheſu chriſto. Die ge­nad ſey mit allen dē. dye da liebha­ben vnſern herren iheſum chriſtum in der vnzerſtoͤrlicheit Amen. Ein ende hat die epiſtel zuͦ den Epheſiern. Vnnd hebt an dy vorred ſancti Ieronimi über die epiſtel zuͦ den philippenſern Hilippeſer ſind macedonier. die als ſie hettē empfan gen das wort d̓ war heyt. Beſtuͦnden ni dem glauben vnnd nonen nit auff dye valſchen apoſteln. Dyſſe lobet der apoſtel. ſchreybend in von rom auß dem kercker durch epafroditum Die vorred hatt ein ende. Vnnd hebt an die epiſtel zuͦ den Philippenſern Vn̄ hat. iiii. capitel. Das erſt capitel. Aulus vnd thimotheuſ die knecht iheſu criſti mit allen heyligē in ieſu criſto dy da ſind philippis mit dē biſchoffen. vn̄ mitt den euangeliern. gnad ſey mit euch vn̄ frid von got vnſerm vater vnd vō dez herrē ieſu criſto. Ich ſag dack meim got in aller ewrer gedenckūg in allen meinē gebettē zuͦ allen zeyte vmb euch alle. ich tuͦ gebet mit frew den uͤber ewer gemeinſamūg in dez euangeliū chriſti. vō dem erſten tag vntz nun. vertrawend das ſelb. das da anfieng dz guͦt werck in euch. dz er es volbring vntz an den tag ihe ſu chriſti. Als mir ditz iſt recht zeem pfinden vmb euch all darūb das ich euch hab in dem hertzen. vn̄ in mey­nen banden. vn̄ in der beſchirmung vn̄ in der beſtetung des euangeliūs das ir all ſeyt geſellen meiner frewd wan̄ got iſt mir gezeug in welcher­weyß ich euch all beger in dē inwen­digen gelidern ieſu criſti. Vnd ditz bet ich. das ewer lyeb begnüge mer vn̄ mer in aller kunſt. vnd in allen