Transkription / 2 [786

ſy Epiſtel Die bittung mit der wirckung der gena den. ewer heiſchung ſind erkant bey got. Vnnd der frid gotz der da über ſteygt allem ſyn. d̓ behür ewer hertz vnd ewer vernunfft in iheſu chriſto vnſerm herren. Von deßhin brüder welche ding ſeind war. welche ſeind gerecht welche ſeind keuſch. welche ſind heylig. welche da ſeind lieblich welche da ſeind guͦttes lobes. iſt keynerley tugendt iſt keynerley lob der zucht. die ding gedencket. die ir habt gelernet vnd empfangen. vnnd gehoͤrt vnd geſehen in mir. Darumb diſe thuͦt. vnnd got des frides wirdt mitt euch. Wann ich bin groͤßlich erfrewet im herrē. das ir darnach zuͦ zeyten habt wider gegruͦnet zeentpfinden vmb mich. als ir auch habt empfundē. wan̄ ir wardt bekumert. Ich ſag es nit vmb den gebreſten. wann ich hab gelernt. in dez ich bin begnuͦget. Ich kan demuͤtig werdē. vnd kan begnuͦgen. vnd ich bin geſchickt allenthalben in allen dingē. vnd erſattet werden. vnd hungern vnd begnuͦgen vnd armuͦt zeleydē ich mag alle dinng. in dem der mich ſterckt. Iedoch ir tet wol gemeinſa mend meiner truͦbſal. wan̄ auch ir philipenß. ir wiſt das an dē anfang des euangeliums. da ich gienge vō macedōia. kein kirch gemeynſampt ſich zuͦ mir in der rechnung der gab vnd der empfahung. nur ir allein. wann ir ſandtet mir auch theſſalonicam zuͦ eim mal. vnd zwiren zuͦ dem nutz. wann ich ſuͦch nit dy gab aber ich ſuͦch die überfluͤſſigē frucht in ewrer rechnung. wann ich hab all le dinng. vnnd begnuͦge. Ich bin er fuͤllt mit empfahungen vō erafroditem dye ir ſant zuͦ eim geſchmack der ſenftigkeit. ein angēnemes opfer vn̄ got wolgeuellig. aber mein got erfüll allewer begir nach ſeinē reich tumen in der glori in iheſu chriſto. Aber got vnd vnſerm vater ſei glo ri in den welten der welt amē Gruͤſt einen iegklichen heyligen in Iheſu criſto. Euch grüſſen alle krüder die bey mir ſind. Euch grüſſen alle hey ligen aber allermeyſt dy da ſind vō dem hauß des keyſers. Die gnad vn ſers herren ieſu chriſti ſei mit ewerm geyſt Amen. Die epiſtel zu de phillpenſern hat ein ende. Vnnd hebet an die vorred uͤber die epiſtel zuͦ den Coloſenſern. Ie coloſen ſer ſind aſiani. Als auch die laodicen ſer. vnnd ſie waren fuͤrkumen oder betrogen von den valſchen apoſteln. Noch zuͦ den kam der apoſtel. Aber er ſtrafft auch ſye durch dye epiſtel. wann ſie horten das wort vō arcip po. der da empfieng die dienſtberkeit in ſie. Darumb der apoſtel yetzund gebunden ſchreybt in von epheſo. durch thitycum den dyacken. vnnd oneſimum den acoliten. berüffen ſy zuͦ der warheit des gelaubens Die vorred hat ein ende. Vnnd hebet an dye epiſtel zuͦ den Colbſenſern. Vnnd hat. iiij. capitel