Seite
zu den Coloſenſern gerrerr Das erſt Capitel Aulus ein apoſtel ie ſu chriſti durch dē willē gots. vn̄ thy motheus der bru­der den heyligen. vn̄ dē getrewē brü dern. die da ſind coloſis in ieſu chri­ſto. genad ſey mit euch vn̄ frid von got vnſerm vater vn̄ von dē herren iheſu chriſto. Wir ſagen danck gott vn̄ dem vater vnſers herren ieſu cri ſti zuͦ allen zeyten betenō vmb each wir hoͤrten ewern gelauben in ieſu chriſto. vnd die lieb. die ir habt vnd̓ allen heyligen. vmb die zuͦuerſiht. die euch iſt geſetzt in den himeln. die irhabt gehoͤrt in dem wort der war heit des euangeliums das da iſt ku­men zuͦ euch. als es iſt in aller welt. vnd wuͦchert vn̄ wechſt als in euch. von dem tag. an dem ir es habt ge­hoͤrt vnd erkant die gnad go ttes in der warheit als ir habt gelernet vō epafra vnſerm liebſten mitknecht. d̓ da iſt ein getrewer diener Ieſu chri ſti vmb euch. der vns auch hat eroͤff­fent ewer lieb im geiſt. vnd darumb von dem tag. an dem wir haben ge hoͤret. hoͤrē wir nit auf zuͦbetten vn̄ zuͦeyſchen vmb euch/ das ir werdt er füllt in der erkennūg ſeins willens in aller weyßheit vnd in geyſtlicher vernunfft das ir geet wirdigklich ge uallēd got durch alle ding. wuͦchert vnd wachſt in eim yegklichen guͦtē werck. in der kunſt gots geſterckt in aller krafft nach dem gewalt ſeyner klarheit. in aller gedult vnnd lang muͦtigkeit mit geyſtlicher frewde ſa geend danck got vnd dem vater. der vns hat gemacht wirdig in dem tal des loſes der heyligen in dem liecht der warheit. Der vns erloͤſet vō dez gewalt der vinſternuß. Vnnd vns übertruͦg in das reych des ſuns ſey­ner liebe. in dem wir haben erloͤſūg in dye vergebung der ſünden. Der da iſt ein bild des vnſihtigen gotts der erſtgeboren aller geſchoͤpff. wan̄ in im ſind geordent all ding in den hymeln vnnd auff der erde die ſihti gen vnd die vnſihtigen. Es ſind die tron. oder die herſchafft. oder die für ſtentumb. oder die gewalt durch in vnd in im ſind geſchaffen alle ding vnd er iſt vor allen. vnd alle dinng beſteen in im. vnnd er iſt eyn haubt des leybs der kirchē. der da iſt ein an fang der erſtgeboren auß dē todten. das er ſelb ſey haltend die herſchafft in allen dingen. wann got geuiele. das in im wonten alle volkummen heit. vnd durch in wurden verſoͤnet alle dinng in im gefridſamet durch das bluͦt ſeins kreutzes es ſein die da ſind in dē himeln. od̓ die da ſind auſ der erde. Vnnd ir die ir ettwen̄ wa­ret gefrembdet von dem gelauben. vnd veynde mit den ſynnen in den boͤſen wercken. Aber nun hat er ver ſoͤnet in dē leyb ſeins fleyſchs durch ſeinen tod. euch zuͦgeben heylig vnd vnuermeyligt vnd onſtraffber vor im. Iedoch ob ir beleybt gegrundt ueſt in dem gelauben. vnd ſtett vnd vnbeweglich von der zuͦuerſiht des euangeliums das ir habt gehoͤret. dz da iſt gepredigt in aller geſchoͤpff Dye da ſeind vnder dem hymel des ich Paulus bin gemachet worden ein diener. der ich mich nun frewe in