Transkription / 2 [792

Die Epiſtel reden wir nit als geuallend dē lewten. ſunder got der da beweret vnſer hertzen. Wan̄ wir warē auch etwen̄ nit in dē wort der zuͦſchmeychlung. als ir wiſt. Noch in der ſchuld d̓ gei tigkeit. got iſt gezeuge. Wir ſuͦchen nit die glori von den lewten Noch vō euch noch vō dē andern. wiewol wir euch moͤchten ſein ein bürd als die boten criſti. aber wir ſein wordē klein in mitt ewer geleych. Als dye amm fuͦret ir ſün. alſo begerten wir euch geyttigklich. Wir woltē euch antwurten. nicht allein das euagelium gots. Sūder auch vnſer ſelen. wan̄ ir ſeyt vns wordē die allerlieb ſteen. Wan̄ brüder ſeyt gedenckend vnſer arbeyt vn̄ d̓ müdūg wirckēd tags vn̄ nachts. dz wir ewer keinē be ſchwerten Wir predigten in euch dz euangelium gottes. Ir ſeit gezeug vn̄ got. wie heylig vn̄ gerecht vn̄ on klag wir euch waren. die ir habt gelaubet. wir baten vaſt ewer yegklichen. als d̓ vater ſein ſuͤn. als ir wiſt vn̄ troͤſteten euch vnd haben bezeu get dz ir giengt wirdigklich zuͦ got der euch hat berüffet in ſein reich vn̄ in ſein glori. vn̄ darumb ſagen wir danck got on vnderlaß. Wan̄ da ir empfiengt vō vns das wort des gehoͤrs gottes. Ir empfiengt es nicht als das wort der menſchen aber als dz war wort gottes iſt. d̓ da würckt in euch. die ir glaubt in in. wan̄ brü der ir ſeyt wordē nachuolger der kir chen gottes. dy da ſind in iudea in ie ſu chriſto. wan̄ ir habt auch erlitten die ſelben ding vō ewern geſchlechten. als auch ſie vō dē iuͦden. dy auch erſchluͦgen den herren ieſum vn̄ die weyſſagen. vn̄ haben vns durchechtet. vn̄ geuallen nit gott. vnd ſeind widerwertig allen menſchen. vnnd verhindern vns zuͦ reden zuͦ dē heyden dz ſie heylwertig wurden. dz ſie zuͦ allen zeyten erfüllen ir ſünde. d̓ zorn gots fürkam auff ſye. vntz an das ende. wann bruͦder wir ſind geſcheyden vō euch zuͦ dem zeyt mit dē mund. vn̄ mit dē geſiht nit mit dez hertzen. wir eylten begnūglich zuͦffe hen ewer antlitz mit maniger bege rung wan̄ wir wolten kumē zuͦ euch Ich paulus zuͦ eim mal. vn̄ aber. aber ſathanas irret vns. Wann welches iſt vnſer zuͦuerſiht oder freude oder die kron der glori. ſeyt ir denn nit vor vnſerm herren ieſum criſtū in ſeiner zuͦkunfft wann ir ſeyt vnſer glori vnd frewde Das IIIII capitel. wir nicht mochten gedulden für an. da gefiel zuͦ beleybē zuͦ athen allein vn̄ ſan ten thimotheū vnſern bruͦder vn̄ dē diener gottes in dez euangelio criſti vn̄ zuͦbeſtettē vnd zuͦ ermanen vmb ewern gelauben dz keiner werd bewegt in diſen truͤbſalen. wan̄ ir ſelb wiſt. das wir ſeyn geſetzet in diſem Wan̄ auch. da wir waren bey euch. wir piedigtē euch dz wir wurdē leyden trübſal. als es iſt gethan. vn̄ ir wiſt es. Vn̄ darūb ich mocht es füran nit gedulden vn̄ ſendet zuͦ erkennen ewern gelaubē. dz euch villeicht icht veſuͦch der. der da verſuͦchet. vn̄ vnſer arbeit werde eytel. Aber nun ſo thimotheus kumpt von euch zuͦ vns. vnd vns verkündet ewern gelauben. vn̄ die liebe. vnd dz ir vnſer