Transkription / 2 [796

Epiſtel Die ander der mitte. vn̄ den̄ ſo wirt offengeba ret der boͤß menſch. dē der herre ieſus erſchlahet mit dem geyſt ſeins mun des. vnd wirt in zerſtoͤren in der erlewchtung ſeiner zuͦkunfft. des zuͦkunfft iſt nach der wurckung ſatha ne in aller krafft vn̄ in zeychen vnd in luͤglichen wundern. vn̄ in aller verfürung der boßheit. dē. die do ver derben. darumb. Dz ſie nit empfien gen dy liebe der warheit das ſy wur den behaltē. vn̄ darumb got wirdt in ſenden die wurckung der irrſale. dz ſie gelauben der lüge. das ſye all werden geurteylt. dye do nit gelauben der warheit aber ſy verwilligtē der boßheit. aber lieben bruͦder wir ſoͤllen zuͦ allen zeyten got danck ſagen vmb euch. dz euch gott zum erſtē hat erwelt zuͦ dem heyl in der heilig keit des geyſtes vn̄ in dez gelaubē d̓ warheit. In dem er euch auch hatt geruͤffet. durch vnſer euangeliuꝫ in der gewinnūg. der glori vnſers herren ieſu criſti. Darumb bruͦder ſteet. vn̄ behaltet die ſitten. die ir habt ge lernet. es ſey durch dz wort od̓ durch vnſer epiſtel. Aber vnſer herr ieſus chriſtus. vn̄ got vn̄ vnſer vater. der vns liebhet. vn̄ vns gab den ewigē troſt. vn̄ guͦt zuͦuerſiht. vnderweyß ewer hertzen in genad vnd beſtette euch in eim iegklichen guͦten werck vnd in guͦter rede. Das IIIIII Capitel. ranhin bru der bettet vmb vns. das das wort des herrē lauff vnd werde klarifitzirt als auch bey euch. vnd das auch wir werden erloͤ ſet vō den vngeſtümen vnd boͤſen lewtē. wan̄ der gelaub iſt nit aller. aber d̓ herr iſt getrew. d̓ euch wirt be ſtettē. vn̄ behüten vor dē übel. Aber brüder wir verſehen vns von euch im herrē. dz ir thuͦt dye ding. die wit euch gebottē habē. vn̄ tuͦt ſy vn̄ wer det ſie thuͦn. Aber d̓ herre ſchicke ewer hertzē in d̓ liebe gots. vn̄ in der g dult criſti Aber brüder wir verkuͤnden euch in dē namē vnſers herrē ie ſu criſti. dz ir euch entzieht von eym iegklichē bruͦder d̓ vnordēlich wandert. vn̄ nit nach dē ſitten. den ſy em pfiengen vō vns. Wan̄ ir ſelb wiſt wie man vns muͦß nachuolgē. wan̄ wir warn vnd̓ euch nit rüyg. noch aſſen dz brot vergebēs vō keim aber in arbeit vn̄ in muung habē wir ge wircket tag vnnd nacht. dz wir ewer keinen beſchwerten. nit als wir nitt hetten dē gewalt. aber das wir vns ſelb gebē ein ebēbild euch vns nach zuͦuolgē. wan̄ do wir warn bei euch wir verkuͦndtē euch diſe ding. wan̄ ob ettlicher nitt wil wuͤrcken. d̓ eſſe nitt. wan̄ wir hortē etlich wādernd vnd euch vnruͦigklich nicht wirckēt Aber hoͤflich thuͦnd den. aber dy ſoͤllich ſind. verkünden wir. vn̄ bitte ſie in dē herrē ieſu criſto. dz ſie wurcken vn̄ eſſen ir brot mit ſchweygūg. Aber brüd̓ nit woͤlt gebreſten. wol zuͦ tun ob aber etlicher nitt gehorſamt vnſerm wort durch dyepiſtel dē mer cket. vn̄ nit vermiſcht auch mitt im das er werde geſchendet. Vnd nicht woͤlt in achten als einē veind. Aber ſtraffet in als dē bruͦder aber got deſ frids geb euch dē ewigen frid. an ey ner yegklichen ſtat. der herr ſey mitt euch allen. Amen. Meyn gruͦß in d̓ hand pauli. dz da iſt eyn zeychen in einer iegklichen epiſtel alſo ſchreyb