Seite
zuͦ Chimotheo CcccIIIIIIII in ende hat die an der epiſtel zuͦ den theſſalonicenſern Vnnd hebet an die vorred über dye erſten epiſtel zuͦ thimotheum. Anctuꝫ thi motheum leret ſant pauls vn̄ vnderwey ſeet in vō der ordnng des biſtumbs vn̄ der wirdigkeit des euangeliers vnnd aller geyſtlicher zucht ſchreybendt im von laodicia durch thiticum den euangelier. Die vorrēd hatt ein en d. Vnd hebt an die erſt epiſtel zuͦ thimotheū. Die hat. vi. capitel. Das erſt capitel. Aulus der apoſtel ihe ſu criſti nach dez ge bot gotz vn̄ vnſers behalters ieſu criſti. der da iſt vnſer zuͦuerſiht. thimotheo vnſerm liebē ſun in dez gelauben ſey genad vnd barmhertzigkeit vn̄ frid vō got vn­ſerm vater vn̄ vō dez herren ieſu cri ſto. Als ich dich bat das du belibeſt zuͦ epheſum da ich gieng in macedo niā. dz du verkünteſt ettlichen. dz ſy nit anders lerte. noch aufmerckten den luͦgmeren vn̄ den vngeentē ge­ſchlechten. dy da geben mer frag den̄ die bawung gots die da iſt in dez ge­lauben. wan̄ das end des gebots iſt dy lieb. vō reinen hertzen. vn̄ vō guͦ ter gewiſſen vnd vō dē vngedichten gelauben. von den ettlich irrten. ſye ſeind bekert in üppig rede. Sy woͤl len ſein lerer der ee. vnd vernemen nit. noch die ding. die ſye reden. noch von den ſie beſtetten Aber wir wiſ­ſen das die ee iſt guͦt. wer ſie redlich brauchet. wir wiſſen das den gerech­ten nir iſt geſetzt die ee. aber den vn gerechten. vnnd den nit vndertenigē den vnguͤtigen. vnnd den ſuͤndern dē boßhafftigen. vn̄ den vermeylig­ten. vnd den vatterſchlechtigen. vnd muͦterſchlechtigen. vnnd den man­ſchlechtigen. vnnd den vnkewſchern. vn̄ dē beſchlaffern der knaben. vnd dē ſchlagern oder lewt verfuͤrern. dē luͦgnern. vnnd dē meineydern. Vnd ob anders icht iſt widerwertig der gantzen lere. die da iſt nach dē euan­geliū der glori des ſeligen gotz. der mir beuolhen iſt. Ich ſag danck dez d̓ mich ſtercket in ieſu criſto vnſerm herren. Wann wer mich getrew ge­ſchetzet hat in dez dienſt. der ich vor geweſen bin ein gotzleſterer. vn̄ ein durchechter vnnd vol laſters. Aber ich hab eruolget die barmhertzikeyt gottes. wann ich hab es vnwiſſend gethan in dem vngelauben aber dy gnad vnſers herren iheſu chriſti iſt überfluͤſſig geweſen mit dem gelau ben. vnnd mit der liebe die da iſt in chriſto ieſu. getrew iſt das wort vnd wirdig aller empfahung. Wan̄ ie­ſus criſtus kam in diſe welt heylſaz zuͦmachen die ſünder. der ich bin der erſt. wann darūb hab ich begryffen die erbermbde. dz ieſus criſtus zum erſten zeygt an mir gedult zuͦ einer vnderweyſung. der. die im werde ge lauben in das ewig leben Aber dez kuͤnig der welt dez vntoͤdlichen. vn­ſihtbern. allein got ſey ere vnd glo­ri in den welten d̓ welt ame. O ſun cc iiij