Transkription / 2 [803

zuͦ Thimotheo CCoc.VIIIIII gekroͤnt. nur er ſtreit redlich. Der ar beykend bawman ſol am erſten vō den fruͤchtē nemē. Vernym dy ding die ich ſag. wan̄ der herr gibt dir ver nunfft in allen dingen. Biß gedencken das vnſer herr iheſus chriſtus ſey erſtanden vō den todten auß dē ſamē dauid nach meim euangeliū in dem ich arbeyt vntz zuͦ den bandē als wurcke ich boͤßlich wan̄ dz wort gotz iſt nit angebunden. Darumb alle ding erleyd ich vmb die erwelten. das auch ſie eruolgen das heyl das da iſt in iheſu chriſto mit himli ſcher glori. Getrew iſt dz wort. wan̄ ob wir mitgeſtorben ſein. ſo werden wir auch mittleben. Iſt das wir ley den. wir werden mit regnyeren. iſt das wir werdē verlaugnen. er wirt auch vns verlaugnen. iſt das wir nit gelauben. ſo beleybet er doch ge laubig. Er mag ſich ſelb nitt verlaugnen diſe dinng aber ermane be zeuge vor got. Nicht woͤlſt kriegen mit den worten. es iſt zuͦ nicht nütz. nur zuͦ der verkerung der hoͤrenden Sorgſamlich beſorg dich ſelb. das du dich got erzeygeſt bewerlich. Einen vnſchentlichen arbeyter. betrachtend das wort gottes. Aber vnerber vnd eytel rede vermeyde. wann ſie dienē vil zuͦ der vngütigkeyt. vn̄ ir rede krewcht wie der krebs Auß dē iſt hymeus vn̄ philetus. die da ſind außgeuallen vō der warheit ſagēd. das die aufferſteeung ſey yetzund ge than. vn̄ verkerten den glauben ett licher. Aber die veſt gruntueſt gotz ſteet. habend ditz zeychen. Der hele hat erkennet die da ſein ſind vn̄ ein yegklicher. der da anruͦfft den namē des herrē. der ſcheyde ſich vō der boß heit. wan̄ in dem groſſen hauß ſind nicht allein die guldin vnd ſilberin vaß. ſunder auch hültzin vnd irdin vnd eins zuͦ der ere. aber das ander zuͦ dem laſter. welcher ſich aber reyniget von diſen. der wirt ein vaß zuͦ der ere geheyliget. vnd nütz dez herren. bereyt zuͦ allen guͤten werck. Aber flewh die iungen begirden vnd nachuolg der gerechtigkeit. den gelauben. der liebe. dē frid. mit den. die da anrüffen den herren mit reynem hertzen. Aber ſchewh die toͤretē frag vnd die da ſind on zucht. wiß das ſie begern krieg aber der knecht des her ren ſol nit kriegen. ſunder ſenfftmuͤ tig zuͦ allen. lerſam. gedultig. mitt meſſigkeyt ſtraffend die. die da wid̓ ſteen der warheit. das nit in got ett wen̄ geb die buͦß zuͦ erkēnen dy warheyt. vnd ſich ſcheyden von den ſtri cken des teufels von den ſie gehalten werden geuangen zuͦ ſeim willen. Das.IIIIIIII. capitel. Ber das wiſſe das in den iungſten tagē anſteen werden verderb lich zeyt vnd die menſchen werden lyebhaben ſich ſelber geyttig. erhaben. hohfertig gotzleſterer. vngehor ſam vater vnd muͦter. vnndanckber. ſchalckhaftig. on begir. on frid. leſte rer. vnenthebig. vnguͤtig. on guͦte. verreter widerſpēnig. zerbleet. lieb haber d̓ wolluſtigen ding. mer den̄ gots habend die geſtalt d̓ gütigkeit aber ſie verlaugen die tugent. vnd diſe ſchewh. wann auß den ſind dye durchbrechen dye hewſer vnd füren dy weybleyn geuangen geladē mit