Transkription / 2 [804

Epiſtel. Die den ſünden. die da werden gefürt in manigerhand begirden. zuͦ allen zy ten leren. vnnd nymmer zuͦ d̓ wiſſen heit der warheit kumēt. als iamnes vn̄ mambres widerſtuͦnden moyſi. alſo widerſtee auch diſe der warheit lewt zerbrochens gemuͤts. verworfffen bey den gelaubē. aber fuͤranhin werden ſie nicht nutz ſchaffen. wan̄ ir vnweyßheit wirt offen allen lew ten. als auch der ſelben wz. Aber du biſt nach geuolget meiner lere. Der ordnūg dem fürſatz. dē gelauben. d̓ langmütigkeit. der liebe. der gedult den durchechtūgen. den leydungen welch mir ſind gethan zuͦ anthioch zuͦ icontoliſtris. ſoͤllich durchechtūg ich hab erlittē vn̄ der herr hatt mich erloͤſt vō allen. vn̄ alle die da wollē leben guͤtigklich in ieſu chriſto. dye werdē leyden durchechtūg. aber dye boͤſen menſchen vn̄ die verfürer nemen auff zuͦ boͤſerm. irrend vn̄ laßſend in die irrſale. aber du beleib in den dingen die du haſt gelernt. vnd die dir ſind beuolhen. vn̄ weyſt von wem ſie du baſt gelernet. wann du haſt erkant die heiligen buͦchſtaben vō deiner iugent die dich mügē vn̄ der weyſen zuͦ dem heyl durch dē gelauben d̓ da iſt in iheſu chriſto Ein yegklich geſchrifft gotlich eingegey ſtet iſt nuͤtz zuͦlernē zuͦſtraffen. anzuͦ farn zuͦunderweyſen in d̓ gerechtigkeit. dz der man gottes ſey volkumē zuͦ eim yeglichen guͦtē werck vnder weyſſet. Das.IIIIIIIII. Capit. Ch bezewg vor got vn̄ vor ieſu criſto. der do wirt vrteilen die lebendigen vnd die todten. vnd ſein zuͦkunfft vnnd ſein reych. predig dz wort anſtee noeturfftiglich. ſtraff vngeſtümlich. bitt. anfar. in aller ge dult vn̄ lere. wan̄ es wirt die zyt. dz ſie nit werden leyden die geſundē lere. Aber ſie werden in erwellen mey ſter raunend in die oren. vn̄ werden abkeren ir gehoͤr vō der warheit vn̄ werden ſich keren zuͦ den luͦgnern. Aber du wache vnd arbeyt in allen dingen thuͦ das werck des euangeli ſteen. erfuͤlle deinen dienſt. Biß nuͦch ter wan̄ yetzund wurd ich geopfert vn̄ die zyt meiner aufloͤſung iſt ent gegen. Dē guͦten ſtreyt ſtreyt ich. dē lauff volend ich. Den glauben hab ich behalten. In den kuͤnfftigen iſt mir geſetzet die kron d̓ gerechūgkeit die mir der herr got gibt an dez tag der gerechtē vrteyler. aber nit allein mir. ſunder auch den die da liebhaben ſeyn zuͦkunfft. Eyle zuͦkumen ſchier zuͦ mir. wan̄ Demas hat mich gelaſſen. wann er hat lieb diſe welt vnd gieng hin zuͦ theſſalonica. cre ſcens in galiciam Tytus in dalma ciaz Lucas iſt allein bey mir. Nim marcum vn̄ zuͦ fuͦr in mit dir. wann er iſt mir nutz in dē dienſt Aber tyti cum ließ ich zuͦ epheſum. Den mantel. den ich ließ zuͦ troade bey carpū So du kumpſt. bring mit dir. vnd die buͤcher. aber allermeyſt das bergamen Alexāder der ſchatzmeyſter hat mir vil uͤbele ding erzeiget Der herr wirt im widergebē nach ſeinen wercken. dē ſchewh auch du wan̄ er wid̓ſteet vaſt vnſern wortē In mei ner erſtē beſchirmūge keyner wz bei mir. aber lieſſen ſy mich all. es werd in nicht geacht. wan̄ d̓ heer zuͦſtuͦnd mir vnd ſtercket mich dz ſein predig