Seite
Epiſtel Die es gezympt dē genahenden zuͦ gott zegelauben dz er iſt. vn̄ ſey ein belo­ner. den. die in ſuͦchen. Durch den ge lauben ne empfieng antwurt vō den dingen die noch nit warn geſe­hen. vnnd foͤrchtend bereyt die arch zuͦ dem teyl ſeines hauſs. durch dye er ward verdamt. vn̄ er iſt geſetzet. das er ſey ein erb der gerechtigkeyt. die da iſt durch den gelaubē. Durch dē gelauben d̓ da iſt geheyſſen abra has. der gehorſampt außzuͦgeen an die ſtatt. dye er was zuͦ empfahen zuͦ eim erb. er gieng auß vnd wiſſt nit wahin er gieng. Durch dē glauben wont er in dē land der verheiſſung als in dē frembden. vn̄ wonet in dē hütlen mit yſaac. vnnd mit iacob dē miterbē der ſelbē verheyſſung. wan̄ er harret der ſtat. die da het die grūt ueſten. der got was ein meyſter vn̄ ein macher. Durch den glaubē auch ſara die vnberhafftig empfieng dye krafft in der empfahung des ſames. auch on die zeyt des alters. Wann ſie gelaubt das er getrew wer der es verhieß. Vnd darumb ſie wurdē ge born vō eim. vnd da diſer was todt ſie waren in der menig als dy ſtern des hymels. vn̄ als d̓ vnzellich ſand der da iſt an dem geſtatt des meeres Diſe ſturben all vmb den gelaubē. vnd empfiengen nit die verheiſſun geen. Aber ſie ſahen ſy an von verr vn̄ grüſten ſie. vnd bekenten das ſy weren geſſt vn̄ bilgerim auf der erd wan̄ die da ſagen diſe ding. die bezey chen das ſie ſuͦchen dz vetterlich land vn̄ hettē ſie des gedacht vō dannen ſy weren außgegangē. ſie hetten die zeyt widerzekeren. Aber nu begeren ſie dz beſſer. dz iſt dz himliſch. darūb got wirt nitt geſchendet. dz er wurt genennet ir got. Wan̄ er hat in be­reyt die ſtatt. Durch den gelauben. Abraham opfert yſaac. do er ward veruͦſcht das er ſolte opfern den ein geboren. in dē er empfieng dye ver­heyſſungen. zuͦ dē geſagt iſt. wan̄ in yſaac wirt dir geruͤfft der ſame wan̄ er gedacht. got iſt gewaltig in. zuͦ er kücken vō den todten. Vnd dauon empfieng er in in eyn geleychnuß. Durch den gelauben. yſaac geſegēt iacob vnd eſau. vō den künfftigen dingen. Durch den gelauben. do ia­cob wolt ſterben. er geſegent eynen yegklichen der ſun ioſephs. vn̄ anbe tet die hoͤh ſeiner ruͦt Durch dē glau ben. do ioſeph ſtarb. er gedacht von dem außgang der ſün iſrahel. vn̄ ge bot von ſemien beynen. Durch dē ge lauben. Do moyſes ward geboren. er ward verborgen drey monat vor ſeinē geberern. vn̄ darumb dz ſie het ten geſehē ein ſchoͤnes kind ſie vorch ten nit dz gebot des künigs. Durch den gelaubē Do moyſes ward groß er verlaugnet dz er wer ein ſun der tochter pharaonis. er erwelt mer. dz er wuͤrde gepeyniget mit dez volck gots. denn zehaben die freud der zer gencklichen ſünde. er ſchatzet merer reychtumb dē fluͦch chriſti. denn den ſchatz d̓ egiptier. wan̄ er verſah ſich on dy wid̓ belonūg Durch dē gelau ben ließ er egipt. vn̄ vorcht nitt dye hertigkeyt des kuͤnigs. wann er ge­duldet dē vnſichtbern als ſehe er in durch den gelauben begienge er dye oſtern vn̄ die vergieſſung des bluͦts das ſie d̓ nicht beruͤret. d̓ do verwuͤſt die erſtgeborn durch dē gelaubē über giengē ſie dz rot mere als durch die truckē erde. do dz erfuͦrē die egiptier ſie wurden verwüſt vmb dē glaubē