Transkription / 2 [819

zu den. Hebreern cccca vielen die manren zuͦ ihericho. in dē vmbgang ſiben tag Vmb dē gelau ben raab die gemeyn fraw verdarb nit mit dē vngelaubigen. wann ſye empfieng die ſpeher mit frid. Vnd was ſag ich noch. wann die zeyt gebriſt mir zuͦuerkunden von gedeon vō barach. vō ſamſon. vō iepte. vō dauid. vō ſamuel. vnd von den andern weiſſagen. die durch den gelau ben uͤberwunden die reich. ſie würck ten dy gerechtigkeit. Sie empfiengē die verheyſſungen Sie verſchopten die münd der lewen. ſie erleſchten dy geh des fewres Sie iagten auß dye ſpitz des ſchwertes. Sie genaſen vō der kranckheyt. Sie wurden ſtarck am ſtreit. Sie vmbkerten die herber gen der frembden/ die weyb empfien gen ir todten. von der aufferſteeūg. Aber die andern ſeind gedenet. vnd empfiengen nitt die erloͤſung. dz ſie funden ein beſſer aufferſteeung. Aber die andern eruͤtten ſpot. vnnd ſchleg. vnd hierüber die band. vnnd die kercker. ſy ſind verſteynet wordē Sy ſeind geſeget. ſie ſind verſuͦchet worden. ſy ſturbē in der erſchlahūg des ſchwerts. Sye vmbgiengen in dachs fellen. vnnd in geyß fellen ge breſtig. geenſtiget. gezwungen. der die welt nit was wirdig. ſy irten in den eynoͤden in den bergen. vnd in dē hoͤlern vn̄ in den klufften der erd Vnd ſye wurden all beweret mit d̓ zeugknuß des glauben vn̄ empfien gen nit die verheyſſung got fuͤrſehe ettwas beſſers fuͤr vns. das ſye nitt wurden verzeret on vns Das XIIII. capitel Vnd darumb wir habē ein ſoͤlliche eingeſetzte wolcken d̓ gezen geen. legend von vns alle buͤrd. vnd die ſuͤnde die vns vmſteet. wir ſoͤllē lauffen zuͦ dē fuͤrgeſetzten ſtreit vns. vnd ſchawen in dē merer des gelau bens. vn̄ in dē vo lender iheſum. do im dye frewde fürgeſetzet warde. do erlidte er das kreutz. vn̄ verſchmeht die ſchande. vnnd ſitzt zuͦ der gerechten des geſeß gots. Gedencket des d̓ do hatt erlitten eyn ſollich widerſagunge wider ſich ſelb von den ſündern. das ir nit werdt treg abnemēd vō ewern ſelen. Wan̄ ir habt noch nit widerſtanden vntz an das bluͦt zewiderſtreyten wider die ſuͤnd. vn̄ ir habt vergeſſen des troſtes der do redt zuͦ euch als zuͦ den ſuͤnen. ſagēd Mein ſun nicht woͤlſt verſchmehen die ler des herren noch mūd werden ſo du wirſt geſtrafft von im. wann wen der herr lieb hat. den keſtiget er wan̄ er geyſelt. einen ieglichen ſun. den er auff nympt. verharrend in d̓ zucht. wann got opfert ſich euch als den ſuͤnen. wan̄ wer iſt der ſun. dender vater nit keſtiget Vnnd ob ir ſeit auſſerhalb der zucht. der ſie all ſeyn teylhafftig worden. Darumb ſeyt ir ebrecher. vnnd nit ſün darnach het ten wir veter lerer vnſers fleyſchs. vnd wir foͤrchten ſie. Sein wir nitt vil mer ſchuldig zegehorſamen dez vater der geyſt. das wir werden leben. Vnd ſie lerten vns in der zeit d̓ luͦtzellen lag nach irem willen. Aber diſer. zuͦ dem das do nuͤtz iſt zeempfahen ſein heyligkeit. wan̄ ein yeglich zucht in der gegenwurt. wirt nit geſeben. das ſy ſey etwas der frewden aber des trawres. aber darnach gibt