Transkription / 2 [821

zuͦ den Hebreern ccccz.VI Ich wird nit foͤrchten was dinngs mir der menſch thuͦ. Gedenckt ewerbroͤbſt. dye do haben geredt zuͦ euch dz wort gotz. ſeht an dē auſgāg irer wanderūg. nachuolgt dē gelauben ſeſus criſtus. d̓ do was geſtern vn̄ heut. vn̄ erſelb beleibet in den weltē icht woͤlt werdē verleitet mit ma nigerley leren. vn̄ mit den frembdē. wan̄ es iſt dz beſte. zebeſtetigen das hertz mit der genad. nit in den eſſen die do nit nütz warn dē geendē in in Wan̄ wir haben einen altar vō dē nitt haben gewalt zeeſſen die do die nen dez tabernackel Wan̄ welcher vihe bluͦt wirdt eingetragen in dye heyligkeit durch dē biſchoff vmb die ſünd. der ſelben leib ſoͤllen werden verbrant außwendig den herbergē. Darūb. dz ieſus geheyligt dz volck durch ſein bluͦt. hat er gelitten außwendig des tors. Darūb. ſoͤllen wir außgeen zuͦ im außwendig der herbergen. vn̄ tragen ſein fluͦch. Wan̄ wir haben hie nit ein beleibend ſtat Aber wir ſoͤllen ſuͦchen die künfftigen. Darūb durch in opfern wir daſ opfer des lobs zuͦ allen zeyten gott. das iſt die frucht der bekennendē ſey nen namen. Aber nicht woͤlt vergeſ ſen der wolthuͦung vn̄ der gemeinſamung. Wan̄ mit ſollichē opfern wirt got verdient Gehorſāt ewern broͤbſten. vn̄ ſeyt in vnd̓tenig. wan̄ ſy wachen vaſt. als muͤſſen ſie rechnūg geben. vmb ewer ſelen. das ſye ditz thuͦn mit frewden vnnd nit ſeufftzend. Wan̄ ditz gezympt euch nitt. Betent vmb vns. wan̄ wir verſehē vns. dz wir haben guͦt gewiſſen. vn̄ wol woͤllen wandern in allen dingen. weytter aber bit ich euch. das ir das thuͦt dz ich ſchnelligklicher euch widergeben werde. wann gott des frides. der do hat außgefuͦret vō den todten den groſſen hirten der ſchaff vnſern herren Iheſum chriſtum. in dez bluͦt des ewigen teſtaments. der bereyte euch in aller guͦtheyt. das ir thuͦt ſeinen willen. er thuͦ in euch dz do geuall vor im durch ieſum chriſtum dem ſey glori in den welten d̓ welt amen. wan̄ bruͦder ich bit euch Das ir uͤbertraget das wort des tro ſtes. Wann ich hab euch geſchriben mit garwenig geſchrifften Erkent Thimotheum vnſern bruͦder dē ge ſanten. mitt dem ich euch wil ſehen. So er kumpt ſchnelligklich. Grüſt all ewer fürgeſatzten vnd all heylt gē. Euch gruſſen die brüder vō welſchen landen. Die gnad mit euch al len Amen. Hie hatt ein die epi ſtel zuͦ den iuden oder hebreyſchen. Vnd hebt an die vorred ſancti Ihe ronimi In das buͦch der wurckung der zwoͤlffbotten. Bſprichet der pſalmiſt. ſie werden wandern vō dē tugenden in dye tugend Nach den epiſteln ſant paulſen vorlangeſt auß kriechiſcher ſprach in die lateinſchen außgelegt vn̄ in ein buͦch geſchribē. Ir liebſten domnion vn̄ rogatiane noͤttet mich. das ich dye wurckung der zwoͤlffboten zuͦ lateyn außlege vnnd ſchrybe das ſelb buͦch. daran nie mandt ſoll zweyfeln iſt gemachet