Seite
Das buch der wurckung ſie ein begnuͦglich frucht der gerech­tigkeyt de geubten durch ſy. Darūb richtet auff die gelaſſen hende. vnd die entbundē knye. vnd macht recht die genge ewern fuͤſſen. das keyner hinck vn̄ irre. aber dz er mer geſund werde Nachuolgt dē frid. vn̄ der hei ligkeit mit allen on die nyemant ge ſiht got Schawet dz keiner gebreſtē d̓ gnade gots. Dz nicht ein wurtzel d̓ bitterkeit anderweyd gruͦnēd euch bekumer. vn̄ manig werd durch ſye vermayliget. Reiner ſey ein vnkeu­ſcher oder ein verbanner als eſau. d̓ umb ein eſſen verkaufft ſein erſt ge­burt. Wann wiſt. do er darnach be­gert zeerben dē ſegen do ward er ver worffen. Wan̄ er fand nit die ſtat d̓ buͦſs. Wiewoler ſie hette geſuͦchet mit zehern. Wann ir habt euch nit genahent zuͦ dē begreyflichen vn̄ zuͦ dē genehlichen fewer. vn̄ zuͦ d̓ wind­ſprewl vn̄ zuͦ der tunckel. vn̄ zuͦ dez ſturmwind vn̄ zuͦ dē don des horns vnd zuͦ der ſtym der wort. die. die ſye hortē. entſchuldigten ſich. dz in nicht wuͤrde das wort. Wan̄ ſie truͦgē nit dz do ward geſaget. vn̄ ob das vih rürt dē berg. es wirt verſteynt. Vn̄ alſo freyßlich was es dz do ward ge ſehen. Moyſes ſprache. Ich bin er ſchrocken. vn̄ erpidemt. aber ir habt euch genahent zuͦ dē berg ſyon. vnd zuͦ der ſtat gottes des lebendigen zuͦ dē bymliſchē iheruſalem. vnnd zuͦ der emſſigkeit vil tauſent engel. vn̄ zuͦ der kirchen der erſten frucht. dye do ſind mit geſchriben in den hymeln. vn̄ zuͦ got dem vrteyler aller geiſtē der gerechten. der volkumen. vn̄ zuͦ iheſum dē mittler des newen teſta­ments. vnnd zuͦ der ſprengung des bluͦts. der do beſſer redend iſt. denn abel. Seht. das ir icht widerſprecht dē redendē. Wan̄ ob die nit empflu hen die do widerſprechen dez. der do redt auff der erden. wieuil mer wir. ob wir widerſprechen dē. der do redt zuͦ vns von den himeln. des ſtymm hat bewegt die erd. aber nu verheyſt er ſagend Vnnd ich beweg noch zuͦ eim mal. nit allein die erd. Sunder auch den himel. So er aber noch ei­neſt ſprichſt. Erkleret er die übertra gung der beweglichen ding. als der gethannen. das die ding beliben. dye do ſeind vnbeweglich. Darūb wir empfahen das vnbeweglich reych. vnd haben die genad. durch die wir ſoͤllen dienen zegeuallen gott. mit vorcht vnnd mit erſamkeyt. Wann vnſer got iſt ein verzerends fewer Das IIIIIIII. Capitel. Ie lyeb der brüder ſchafft beleib in euch. vnnd nicht woͤlt vergeſſen der herberūg Wan̄ durch die gefieln etlich dē en­geln in der herberg empfangen. Gee denckt der geuangen als ſeyt ir mit in gefangen. vnnd der arbeytenden als wonendt auch ir in dem leybe. Eyn erſame gemehlung ſey in al­len vnnd ein vnuermayligtes bert wan̄ got wirt vrteilē dy vnkeuſcher vn̄ die eebrecher Ewer ſitten ſoͤllen ſein begnuͦgig d̓ gegewürtigē ding en geyttigkeit. wann er ſelb der her re ſprach. Ich laß dich nit. noch ver­laß dich alſo dz wir zuͦuerſihtigklich ſagen. Der herr iſt mir eyn helffer.