Transkription / 2 [858

Das Buch Der Vurclrung hymel. ich viel nyder an die erd vnd hoͤret ein ſtymm von hymel ſagend zuͦ mir ſaulle ſaule. Warumb durchechteſt du mich. Vnd ich antwurt O herr wer biſtu. Vnd er ſprach zuͦ mir Ich bin Iheſus nazarenus. den du durchechteſt. vnd die mit mir waren die ſahen das liechte. aber ſie horten nitt die ſtymm. des der do mit mir re det. Vnd ich ſprach. O herr was thu ich. Vnd der herr ſprach zuͦ mir Ste auff. vnd gee in damaſcum. vnd do wirt dir geſaget vonn allen dingen das du muſt thun. Vn̄ do ich nichtt ſah vor der klarheyt ſeines liechtes. ich ward gefuͦret mit den hendē von meinen mitgeſellen. vnd kam in da maſcum. Vnnd ein man. ananias. d̓ do het guͦt gezeugknuß der ee. vō al len iuden die do wonen in damaſco kam zuͦ mir. er ſtund vnd ſprach ſau le. Bruder ſih mich an. vnd ich ſahe in an zuͦ der ſelben ſtund. Vnd er ſp rach zuͦ mir. Gott vnſer vatter hatt dich vor geordent. das du erkenneſt ſeinen willen. das du geſeheſt dē gerechten. vnd hoͤreſt dye ſtymm auß ſeynem mund. wann du wirſt ſeyn ſein gezeug zuͦ allen menſchē. d̓ ding dye du haſt geſehen. vnd gehoͤrt. vn̄ nu warumb ſaumſtu dich. Steeauff vnd wird getaufft. vnnd waſch abe deyne ſuͤnd. vnd rüff an ſeinen namen. Vnnd es ward gethan. do ich widerkeret in iheruſalem. vnnd bettet in dem tempel. das ich ward inn dē ſchrecken des hertzen. vnd ſahe in ſprechend zuͦ mir. Eyle vnd gee ſchnelligklich auß von iheruſaleꝫ. wan̄ ſie werden empfahen dein gezeugknuß von mir. Vnnd ich ſprach. O herr ſie ſelb wiſſen das ich ſie was beſchliſſend in den kercker. vnd ſchlahend durch die ſynagogen die do ge laubten in dich. Vnnd do das blut. ſtephani deines gezewgen ward ver goſſen. ich ſtund aüch do vnnd verwilliget darein. Vnnd ich huͦt der ge wand. der. die in ertoͤdten. Vnnd er ſprach zuͦ mir. Gee. wann ich ſende dich verr zuͦ den geſchlechten. Vnnd ſie horten in vntz zuͦ diſem wort. vn̄ huben auff ir ſtimm ſagend. Nymm. in hin von der erde. wann es iſt nitt zymlich das er lebe. Vnd do ſie ſchri hen vnd wurffen hin ire gewande. vnd wurffen den ſtaub in den lufftt der tribuner hieß ſie einfuͤren in dye burg. vnd ſchlahen mit geißeln. vnd peynigen das er wiſſzte vmb was ſach ſie im alſo zuͦ ſchryhen. Vnnd do ſie in hetten gebunden mit rymē Paulus ſprach zuͦ dem centurio der im zuſtund. Gezympt euch ze geyſelen einen man. einen roͤmer. vnd ey nen vnſchedlichen. Do das horett der v centurio. er genahet ſich zuͦ dem tribun. Vnnd verkundet im ſagēd Sih was du werdeſt thuͦn. Wann dieſſer man iſt ein roͤmiſcher buͤrger. Vnd der tribun genahet ſich. vnnd ſprach zuͦ im Sag mir. biſtu ein roͤmer. vn̄ er ſprach ia. Vnnd der tribun antwurtet/ Ich hab vil guͦtter ding empfangen in diſer ſtatt. Vnd paulus ſprach. Vnd ich bin auch geboren in ir. Vnnd die in ſolten peynigen. dye ſchyden ſich zehand von im. Vnd d̓ tribun forcht ſich dar nach da er weſt das er was ein roͤmiſcher buͦrger. vn̄ das er in hett gebunden. Vn̄ an dem andern tage woltt er fleyſſigklicher wiſſen. auß was ſach er wurde verſaged von den iuden. vnd bande in auff. vnd hieß zuͦſamē kumen dy pri ſter vnd allen ratt. vnd fuͤrfuͤrt pau