Transkription / 2 [860

Das Buch Der Vurclrung von im Aber glaub im nicht. wann in haſſen heimlich mer dann virtzig mann. die haben zeſamen gelobet nit zeeſſen noch zetrincken. vntz das ſie in erſchlahen. nun ſeind ſie bereit vnd harren deiner verheiſſung. darumb der tribnn ließ den iungling. vnd verbot im das er niemant ſagt das er im hett kundt getan diſe ding Er rüfft zweyen centurien. vnd ſprach zu in. Bereittent zweyhundert ritter. das ſie geen vntz in ceſaream vnd ſybentzig reytter. vnd zweyhundert ſpeyſer von der dritten ſtund d̓ nacht. vnd bereittet die maul. Dz ir paulum darauff ſetzet. das ſie in füren geſund zuͦ felix dem richter. wan̄ er vorcht das in villeicht die iuden zuckten vn̄ in erſchlligen. vn̄ das er darnach erlyd ein valſch verklagūg vnd ſchryb in eynen bryeff haltend diſe ding. Claudius Liſias ſendet dē gruß felix dem beſten richter. Diſen man begriffen von den iuden. vnd anfahend getoͤdt zewerden von in. ich uͤberkam vnnd erloͤſet in mit dem heer. doch ich erkant das er was eyn roͤmer. vnd ich wolt wiſſen die ſache. die ſie im fuͤrwurffen. Vnnd fuͦrte in in iren rat. Ich fand das er verſagt ward von den fragen irer ee. Aber er hett nitt wirdige dinng des todtes oder laſter in den banden. Vnnd do mir was zuͦgetragen von der heym lichen verpuntnuß. die ſye im hettē bereit. ich ſandt in zuͦ dir vn̄ verkunt den verſagern das ſye ſagen bey dir da mit mog wol. Darumb die ritter thetten nach dem gebot. das yn was gegeben. ſie namen paulum vn̄ furten in inn der nacht in antipatridē. vnd an dem andern tag lieſſen ſye die ritter das ſie gingen mit im. dye andern kerten wider zuͦ den herbergē Vnd da ſie waren kumen in ceſareā vn̄ hetē geantwurt dē brief dē richter Sie ſtalten anch paulum fuͤr in Vn̄ do er in hett geleſen. vnd het gefraget von welcher gegent er wer. vnd hett erkant. das er was von cilicia. er ſprach ſo dein verſager kumen ſy wil ich dich hoͤren. Vnd er gebott yn zebehuͤten in dem rechthauß herodis. Das XIIIIIIIII. Capi. Vnd nach.V. taͤgen ananias der fuͦrſt d̓ prieſter gieng ab mit den alten vnd mittertullo eim furſprechen. giengen zuͦ dem richter wyder paulum vnd citierten paulum. tertollus. begund in zeuerklagē ſagēd O aller beſtir felix. ſo wir in vilfryd. tuen durch dich. vn̄ vil ding werdē geſtraffet durch dein fürſichtigkeyt. all zeyt vn̄ allenthalben nemen wir diſe dinng auff. du aller beſter felix mit aller danckberkeit. das ich dich aber nit lenger verzyhe. So bitt ich dich kuͤrtzlich dz du vns hoͤreſt vmb dein miltigkeit. Wir haben funden diſen vergifftenden menſchen. vnd er nen bewegenden die widerteil in allen iuͤden in allem vmbkreyß. Vnd einen meyſter des widerteyls der irſale der nazarenet. der ſich auch hatt geflyſſen zuͦ enteren den tempel. vn̄ dieſen geuangen wolten wir richtē nach vnſer ee Aber liſias der tribun kam vnnd erloͤßt in von vnſern henden. mit groſſem gewalt. vnd hyeß ſein anklager kumen zuͦ dir. von dē du ſelber magſt vrteilend erkennen