Transkription / 2 [861

Der zwelfbotten Cccca.VII. von allen diſen dingen von den wir in verſagen. vnnd die iuden legten mer wort zuͦ ſagend. diſe dinng ſich zehaben alſo. vnd paulus antwurt do im der richter wincket zeſagen. Ich hab geweſt das du biſt geweſen ein richter diſem geſchlecht von manigen iaren. mit guͦttem gemuͦt wil ich genug thun fuͤr mich Wann du magſt erkennē das mir nit mer ſind denn zwelff tag. ſeit das ich aufftyg anzebetten in iheruſalem. vnnd das ſie nit mich haben funden imm tem pel diſputirendt mit einem menſchē oder machēt einen zuͦlauff der geſelſchafft. weder in der ſinaͤgoge. noch in der ſtatt. ſie moͤgen die ding nitbe weren. von dē ſie nu mich verſagen. Aber das verieh ich dir. dz ich dyene got meinem vatter. nach der ſect. dy ſye hieſſen ein ketzerey. ich gelaub allen dingen die do ſeind geſchryben in der ee. vnd in den weiſſagen. Vn̄ ich hab dye hoffnnng in gott. d̓ auch ſie ſelber harren der kuͦnffttgen auffer ſteeung der gerechten. vnnd der boͤſen. vn̄ ich ſelb uͤbe mich zu allen zey ten in diſem. das ich on beleidigung hab ein gewiſſen zu got. vnd zu den menſchen. Wan̄ nach manigen iarē kam ich zethun almuſen vnder mey nem volck. vnnd opffer vnd gelubde in den ſie mich funden gereinigt im tempel. nit mit der ſchar noch mit dē poͤfel. oder zulauffendem volck. Sy begriffen mich vn̄ ſchryhen vnnd ſp rachen. Hebauff vnſer veind. aber et lich iuden von aſya. dem do. gezam zeſein bey mir. vnd mich zeuerklagē ob ſie etwas hetten wider mich. od̓ ſie ſelb ſahē. ob ſie etwas vngerechtſ haben funden in mir ſol ich ſtee inn dem rat. Nur allein von der eynen ſtymm. mit der ich ſchrey ſteend vnd̓ in. wann heut wird ich. geurteylet von euch von der aufferſteeung der todten. Vnnd felip hielt ſie auff. wyſend ſich erlich von dem weg des her ren ſagend. Wen̄ d̓ der tribun liſius kumet herab. ſo wil ich euch hoͤren. Vnd gebott dem centurio in zebehuͤ ten. vnd zehaben rue. noch keym zeweren von den ſeinen das ſie im dynen. vnnd nach ettlichen tagen feli kam mit dru ſilla ſeiner haußfrauwen. die do was ein iuͤdin vnd vordert paulum vnd hoͤrt von im den gelauben. der do iſt in Iheſum chriſtum. Vnd do er diſputiret. von der gerechtigkeyt. vnnd vonn der keuſcheyt. Vnnd vonn dem kunftigen vrteyl. feli antwurdt erſchrocken. Was helt dich nu. gee. wan̄ ich wil dich wol vord̓n in noturfftiger zeyt vnd er verſah ſich. das im auch wuͤr de gegeben gelt vonn paulo. vnnd darumb ruͦfft er im emſſigklich. vnd redt mit im. Vnd da zwey iar warē erfuͤlt. felix empfing einen nachuolger porticium feſtum. vnnd felix wolt den iuͦden genad thun. er ließ paulum geuangen. Das. V.V. Capitel Arumb do fe ſtus was kumen in die gegent. nach dreien tagen. er gieng auff von ceſarea in iheruſaleꝫ Vnnd die fuͤrſten der prieſter. vn̄ dye erſten der iuͦden gingen zu im. wyd̓ paulū vn̄ battē in vn̄ hieſchē dy genad wid̓ in. dz er in hieß ſuren in ie ruſaleꝫ. machēd heimlich puͦntnuß das ſie in erſchlugen ann dem weg. Aber feſtus antwurt. dz paulus ſolt behalten werden in ceſare. wan̄ er gg iiij