Seite
Das buch Der Vurclrung das ir nemet die ſpeyß vmb ewer be­haltſam. wann ewer keim verdirbt ein har von ſeinem haubt. Vnd do er ditz hett geſaget. er nam. das brot vnd ſaget got danck in dem ange­ſiht ir aller. Vnnd do er es hett gebrochen. er vienng ann zeeſſen. Vnnd ſie wurden all getroͤſt. vnnd empfingen das eſſen. Vnd der ſelen vnſer allen im ſchyff. warn. ca. lxxviij vnd ſie wurden geſatt mit der ſpeiß vnd wurffen den weytz in das meer vnd ringerten das ſchiff. vnd do es tag ward. ſie erkanten nitt die erde. Aber ſie merckten ein port. die do het ein geſtat zuͦ der ſie gedachten ob ſy moͤchten außwerffen das ſchiff. Vn̄ do ſie hetten auffgehaben die ancker ſie legten es in das meer. zegeleicher weiß guͤrten es auff die fuͤgung der geſchyrr. Vnnd huben auff einen klei nen ſegel nach dem blaſen des wet­ters vnd gedachten zuͦ dem geſtatt. Vnd do wir waren ein geuallen in ein verderblich ſtatt. da zwey meere kamen zuͦſamen. Sye zerbrachen dz ſchyff. vnd das vorderteil des ſchyf­fes belib ſteet. vn̄ vnbeweglich. aber das hinderteyl ward zerriſſen vonn der ſterck des meers. Vnnd es was d̓ ratt der ritter. das ſie erſchluͦgen dye geuangen. das keiner empfluh. ſo er auß ſchwum. Aber d̓ centurio wolt behalten paulum. Vnnd weret das es nit geſchehe. Vnd gebott den. dye do moͤchten ſchwymmen. das ſy ſich zuͦmerſten lieſſen in das meer. vnnd außzekumen zuͦ dem land. Aber die andern truͦgen ſye auff dē brettern. vnnd ettlich auff den dingen. die da waren von dem ſchiff. Vnd es war­de gethan alſo. Das alle ſeel entgin gen zuͦ dem land. Das.VIIIIII. capitel. Vnd do wir waren außkummen. do er kanten wir. das die inſell hieß milittene. vnd die fremden erbu ten vns nit ein wenig freuntſchafft wann ſie zunten vns an ein fewer vnd widerbrachten vns all. vmb dē regen. vnd vmb die kelt. die vns an­lag. Vnd do paulus hett geſamelt etwa vil der ſpen. vnnd ſie geleget auff das fewer. do ein viper fuͤrging vō der hitz. ſie kam im an ſein hand Darumb do die frembden hetten ge ſehen das tyer hangen an ſeiner hād ſie ſprachen zuͦ einander. fuͤrwar der menſch iſt ein manſchlechtiger. wye wol er iſt außkummen von dē meer die rache laſſet in nit leben. vnnd er­ſchluͦg das thier in das fewer. vnd er lyd nicht uͤbels. Aber ſie meinten. er wurde geſwellen. vnnd gehling ny deruallen. vnnd ſterben. Vnd ſie ver­ſahen ſich lang. vnd ſahen dz im ni. chts übels gethan warde. Sie ker­ten ſich zuͦ im. vnd ſprachen. Er iſt got. Aber in den ſtetten. waren eygē eins fuͤrſtē d̓ īſeln mit namē publiuſ d̓ pfing vns er erbot vns miltiklichē die noturfftigen ding drey tag. Vn̄ es geſchah das der vatter publi lag ann dem fieber. vnnd an der roten ruer. paulus gieng ein zuͦ im. Vnnd die er het gebettet vnd legt im auff die hander machet in geſund. vnd do er das het gethan. all die do wa rē in d̓ inſeln die do heten dē ſichtūb die genahentē ſich zuͦ im. vn̄ wurdē geſund Dy ertē vns auchmit vil erē vn̄ do wir ſchifftē. ſy zulegtē vns dy