Transkription / 2 [877

Epiſtola Petri CCc XIIIIIIIIIIII dem fleyſch. aber lebendig gemachet im geyſt. In dem er kam geyſtlich. vn̄ prediget dē die do warn im kercker. vn̄ die etwan̄ warn vngelaubig. die wartē der gedult gottes. in dē ta gen noe. do die arch ward gebawen. in der wenig. das iſt acht ſelen behalten warden durch das waſſer. dz auch euch nun geleichs forms heylſams machet die tauff. nit die hinlegung der vnreinigkeit des leibs. aber die erfoͤrſchung des guͦttengewiſſen in gott durch die vrſtend iheſu chriſti. der do iſt in der gerechten gottes verſchlindend den tod das wirwurden erben des ewigen lebens. auffgefaren in den hymel. do im vndergeworffen ſein die engel. die gewelt vn̄ die krefft. Das.IIIIIIIIII. Capitel. Arumb hattnu chriſtus gelidtē im fleyſch ſo ſolt auch ir euch wapnē mit dē ſelbē gedeckē wan̄ d̓ hat gelitē in dē fleiſch d̓ hat gelaſſen vō dē ſün dē. dz nitytzūt mit dē begirē d̓ meſchē dz do überig iſt des zeyts. lebe. Aber dē willen gots. wan̄ dē iſt genuͦg dy vergange zeit zuͦuolbringē den wil len d̓ heydē. die do habē gewandert in dē vnkeuſcheittē In dē begirdē in dē weinfüllungē. in hoffnūg in trint ungē. in trūckenheit. vn̄ vnzimlichē erungē d̓ abtgoͤtter. in dē ſie verwudern So ir nit mittlauffend in die ſel ben ſchand d̓ vnkeuſch leſterēd dy do werdē rechnūg gebē. dē. der do bereit iſt zerichtē lebēdig vn̄ tod Wan̄ dar umb iſt auch dē todten die warheyt verkündet wordē das auch ſie werdē geurteilt nach dē mēſchē in dē fleiſch Aber dz ſie lebē nach gott in dē geiſt Aber aller ding end wirt zuͦnehnen Vn̄ darumb ſeit weiß. vn̄ wachet in den gebetten. Aber vor allen dingē habt in euch ſelber ein ſtette wechſelbere liebe. wann die liebe bedecket dy menig der ſünden. Herbergeet einander on murmelung. Ein yegklicher als er hatt empfangen die genade. die mitteyl einer dē andern als dye guͦtten außteiler der vil formigē genad gottes Ob etlicher redet. der red als die wort gottes. Ob etlicher dyenet. der diene als auß der krafft. dye do got mitteilet. das got werd geert in allen dingen durch iheſum criſtū. dē do iſt glori. vnd gebiettung in dy welt der welt amen. Allerliebſtē Ir ſollet nit ellendē in der hytz die euch wirt zuͦ der verſüchüng. als beſchehe euch ettwas news. Aber frewet euch gemeinſamend dē leidungen chriſti. das auch ir euch frolockend frewend in der offenbarung ſeiner glori. Iſt das ir werdt geleſtert in dem namen chriſti Ir werd ſelig. wann dz do iſt der eren der glori. vnd der krafft got tes. vnd der do ſein geyſt iſt. der wirt ruen auff euch. Aber ewer keiner ſoll leyden. als der manſchlechtig. oder als der dieb. oder als der verflucher. oder als d̓ begerer der frembden guͦt ter. Leidet er aber als ein chriſt. Er ſol ſich nit ſchemen. Aber er ſol glori ficiren got in diſem namen. wann die zeit iſt. das anfah das gericht vō dem hauß gottes. hebt aber das gericht an zuͦ erſten von vns. wz wirt dann das ende. der die do nit gelauben dem ewangeli gottes. Vnd iſt das der gerecht hart wirtt behalten. wo werden der vngütig. vnd d̓ ſünd̓ erſchynen. Alſo auch die. die do leydē hh iiij