Seite
Die erſt canonica tag der ewigkeit. Hie hat. ein end die ander epiſtel ſant peters. Vnnd vaht an die vorred. In die erſten epiſtel Iohannis. Ie ſach des worts. vnd das gott ſey. das offenbart dy lieb. vnd die veynd d̓ bruͦder die nit gott er kennen. noch gütig moͤgen werden. vntz das er beweiſſet vnd beweret dz ſie ſind manſchlechter. darumbe das der haß ſey ein ſach der toͤdtung. Hie hat ein ende die vorred. vnnd hebt an die erſt epiſtel Iohannis. Die hatt. v. capitel. dar­inn er zewgknuß gibt von dez wort der warheyt vn̄ des lebens/ Vnd vō ſeinem allerlewterſten liecht Vnnd wie vnſer herr iheſus chriſtus ſey vn̄ ſer fürſprecher. Vnnd wie wir geyn got vnd dem nehſten die lieb haben ſollen Das erſt. capitel. As do wz vō anfāg Das wir hortten. das wir ſahen. vn̄ das wir ſchawentē mit vnſern augen vnd vnſer hend haben begriffen vō dem wort des lebens. Vnd das lebē iſt vns eroͤffent. Vnd wir ſahen. vn̄ bezewgen. vnd verkünden euch das ewig leben. Das do was bey dē vatt ter. vnd erſchyn vns. Das wir ſahen vnd horten. das verkuͤnden wir euch dz auch ir habt geſelſchafft mit vns vnd vnſer geſelſchafft ſey mit dem vatter. vnd mit ſeim ſun iheſu chri­ſto Vnnd diſe ding ſchreiben wir euch das ir euch frewet. vnd ewer frewde ſey vol. Vnd diß iſt die verkündūg die wir haben gehoͤret von in. vnd verkünden euch dz gott iſt das liech­vnd die vinſtere ſeind nit in im Ob wir ſagen. das wir haben geſelſchaft mit im. vnd wandern in der vinſter nuß. wir liegen vnd tuͦn nit dy war heyt. Geen wir aber in dem liecht. al­er auch iſt in dem liecht. die geſelſch­afft haben wir zuͦ einander. vnd das bluͦt ſeins ſuns iheſu chriſti reiniget vns von aller ſünde. Ob wir ſagen das wir nit haben die ſuͤnd. wir ver­fuͦren vns ſelber. vnnd die warheit iſt nit in vus. veriehen wir vnſer ſuͤnd er iſt getrew. vnd gerecht. das er vn­vergeb vnſer ſünd. vnd reinige vns von aller boßheyt. Ob wir ſprechen das wir nit haben geſündet. wir ma chen in einen luͦgner. vnd ſein wort iſt nit in vns. Das.IIII. Capitel. Ein ſunlin dy ſe ding ſchreyb ich euch dz ir nit ſuͦndet. ob aber einer ſündet. wir haben einen anrüffer by dem vatter iheſum chriſtum dem ge­rechten. vnnd erſelb iſt ein verſoͤner vmb vnſer ſünde. wann nitt allein vmb die vnſern. ſunder auch vmb d̓ gantzen welt. Vnnd inn dyeſſem wiſſen wir. wann wir haben nitt er kennet. ob wir behütten ſein gebott der da ſprichet das er erkenne gott.