Transkription / 2 [883

Epiſtola Iohannis. Cō XI.VII. vnd behüt nit ſein gebot. der iſt eyn luͦgner. vnd die warheit iſt nit in im der aber behuͦt ſein wort. werlich in diſem iſt die volkumen lieb gottes. in diſez wiſſenwir dzwir ſein in im. d̓ ſich ſagt zebeleiben in chriſto. der ſol geen als auch er gieng. Allerliebſtē ich ſchreib ewch nit ein newes gebott aber das alt gebot dz ir habt gehabt von anfang. Das alt gebott iſt das wort. dz ir habt gehoͤret Aber ſchreib ich euch ein newes gebott. das da iſt war in im. vnd in euch. wan̄ die vin ſternuſſen virgiengen/ vnd das war liecht leuchtet yetzunt. der da ſpricht das er ſey im liecht. vnd haſſet ſeinē bruder der da iſt inn der vinſteruuß vntz daher. Der da liebhat ſeinē bruͦder der beleibet im liecht. vnnd dye ſchand iſt nit in im. Der aber haſſet ſeinen bruder. der iſt inn der vinſter. vnd geet in der vinſter. vnnd weyß icht wo er geet. wan̄ die vinſter haben erblendet ſeine augē. Ich ſchreib euch ir ſünlein wann euch werdē ver geben ewer ſuͤnd vmb ſeinen namē. Ich ſchreib euch vetter. wann ir habet in erkant. der da iſt von anfang. Ich ſchreib euch ir iungling. wann ir habt überwunden den boſſen. Ich ſchreyb euch ir kind. wan̄ ir habt erkant den vatter. Ich ſchreybe euch ir iungen. wann ir ſeir ſtarck. vnnd das wort gottes beleibet in euch. vnd ir habt überrwunden den boͤſen. Aller liebſten nicht woͤllet liebhaben dye welt. noch die ding die da ſeind in d̓ welt. Obe ettlicher liebhat die welt. die lieb des vaters iſt nit in im. wan̄ alles das do iſt in der welt. das iſt be girlichkeit des fleiſch. vnd begirlichkeit der augen. vnd hoffart des lebēs die nit iſt auß dem vatter. aber auß d̓ welt. Vnnd die weltzergeet. vnd ir le girlichkeit. Wer aber thut den willē gottes. der beleybet ewigklichen. Ir ſunlein es iſt die iungſt ſtunde. Vns als ir habt gehoͤret. das d̓ entkriſt kumpt. aber nun ſeind vil entkriſt worden. Dauon wiſſen wir. daſ es iſt die iüngſt ſtund. Sye giengen auß von vns. aber ſie waren nit auß vns. wann weren ſie geweſen auß vns. ſie weren beliebē bey vns. Aber alſo ſeind ſie offenbar. wann ſie ſeien nit auß vns Aber ir habt die ſalbūg vonn den heyligen. vnnd wiſſet alle ding. Ich habe euch nit geſchryben. als dē. die do nit wiſſen die warheit aber als den die ſie wiſſen. wan̄ auch ein iegkliche lüg iſtnit auß der warheyt. Wer iſt ein lügner. nur der da leuget das iheſus iſt chriſtus. Der iſt der entcriſt. der da verlauget dē vattter vnd dē ſun. Ein yegklicher d̓ da verlauget dē ſun. der hat nit dē vat ter. der da bekennet den ſun. der hatt auch den vatter. das ir habt gehoͤret vō anfang. das beleib in euch wann beleibet es in euch das ir habt gehoͤret vō anfang. ſo werdet ir beleyben in dem ſun. vnd in dem vatter. vnd ditz iſt die verheiſſung. die er vns hat verheyſſen das ewig leben. diſe ding ſchreib ich euch von den. die euch. ver füren. Vnnd die ſalbung die ir empfinget von im die beleibe in euch. Vnd ir habt nit notturfft das euch yemant lere. Aber als euch ſeyn ſalbung lert von allen dingen. vnd es iſt war. vnd iſt kein lüge. Vnd als er euch hat gelert. alſo bleibet in im vnnd nun ir ſunlein beleibet in. im ſo er erſcheint das wir haben die zuͦuerſicht. vnnd werden nitt geſchendet von im in ſeiner zuͦkunfft. Ob ir