Seite
Die erſt canonica epiſtola den. der do iſt geborn auß im. In di­ſem erkennē wir das wir lieb haben die ſuͤn gotz ob wir got liebhabē vn̄ thuen ſein gebot wann dz iſt die lieb gots dz wir behutē ſein gebot vn̄ ſeet ne gebot ſeind nit ſchwer wan̄ alles dz do iſt geboren auß gott. das. über windet die welt vnd das iſt die vber windung. die die welt vberwindet. vnſer gelaub. Wer iſt aber der. der die welt vberwindet nur der da ge­laubet. das iheſus iſt der ſun gotts der iſt Ieſus chriſtus d̓ da kam durch das waſſer. vnd durch das blut nit allein in dem waſſer. aber in dē waſ­ſer. vnd in dem blut. Vnd der geyſt iſt. der da bezeuget. dz chriſtus iſt dye warheit. Wann drey ſeind. die da ge ben gezewgknuß auff der erd. d̓ geiſt das waſſer. vnd das blut. vnnd diſe drey ſeind eins. Vnnd drey ſind dye da geben gezewgknuß imm hymel. Der vatter das wort. vnd der heilig geiſt. vnd dyſſe drey ſeind eins. ob wir auffnemen die zeugnuß der menſch en. die zewgknuß gots iſt meer wan̄ dz iſt die gezewgnuß gots die merer iſt wan̄ er gezewget vō ſeim ſun. der do glaubt in den ſun gottes. d̓ hatt die zewgknuß gotts in im. Der nitt gelaubet ann den ſun gottes der macht in einen lugner. wan̄ er ge­laubet nit in die zewgknuß. got hat bezewget von ſeinem ſun. vnd das iſt die zewgknuß. wann got hat vns geben das ewig leben. Vnnd das le­bē iſt in ſeim ſun. der da hat den ſun der hat das leben. der nitt hatt den ſun gottes. der hat nit das leben. Di ſe ding ſchreyb ich euch. das ir wiſſet das ir habt das ewig leben. die ir ge­laubt in dem namen des ſun gottes Vnnd das iſt die zuͦuerſicht dye wir haben zu got. wann was dings wir bitten nach ſeinez willen. er erhoͤret vns. vnd wir wiſſen das er vns hoͤ­ret was din gs wir bitten. Wir wiſ­ſen das wir haben die bittunge dye wir bitten von im. Der da weyß dz ſein bruder ſundet. die ſunde iſt nitt zuͦ dem tod. er bitte vmb in. vnd im wirt geben das leben den ſundenden nit zuͦ dem tod. Iſt die ſund zuͦ dem tod. ich ſag nit dz keiner bitt vmb in Eyn yegklich boßheit iſt ſund. vnnd iſt ein ſund zuͦ dez tod wann wir wiſ ſen das ein iegklicher. der do iſt gelo ren auß gott. der ſundet nit. aber dz geſchlecht gottes behut in. vnnd der boͤß wirt in nit anruren Wir wiſſen das wir ſeien auß got. vnd die gantz welt iſt geſetzer in dem boͤſen. Vnnd wir wiſſen das der ſun gottes iſt ku­men. vnd hat vns geben den ſyn. dz wir erkennen den waren got. vnnd ſein in ſeinem waren ſun. der iſt der war gott. vnd dz ewig leben. Ir ſun­lein ir ſollet euch behuten vor dē abt. goͤttern. Ein end hat dye erſt canonica epiſtola. ſant Iohan­nis des ewangeliſten. Vnd hebet an die vorred in die andern epiſtel. Er zwelfbot biß daher ſchreybet zuͦ dē heyligē weyb. dz er die ſelben frawē nicht mit buͦchſtabē zweyfle zuͦ nennē. vn̄ der ſelben kinder zeug nuß gebe. das ſie wandelen in d war heit. ettlich ſprechen das dieſſe vnnd dy nehſt epiſtel nit ſey iohannis des zwelffbotten. ſunder eyns prieſters