Seite
Epiſtola Iohannis. CCoc XI.VIIIII. der beleibet in im/ vnd er in im. vn̄d in diſem wiſſen wir. das er beleibet in vns von dez geiſt den er vns hat geben. Das.IIIIIIIII. Capitel. lerliebſte nit wolt gelauben eim yegk­lichen geiſt. Aber beweret die geiſt. ob ſie ſein auß got. wan̄ vil valſch weyſſagen ſein außgangē in die welt in diſem wirt erkant d̓ geiſt gottes. Ein yegklicher geiſt. der da vergiht iheſum chriſtum. das er ſey kumen in dez fleyſch. der iſt auß got vnnd ein yegklicher geiſt der da ent bint Iheſum. der iſt nitt awß gott Vnnd der iſt der entkriſt. von dem ir habt gehoͤret. das er kumpt vn̄ nuͦ yetzunt iſt er in der welt. Ir ſeit auß got. vnd habt in überwunden. wan̄ et iſt mer. der da iſt in euch. denn der da iſt in der welt. Sie ſeind von der welt. vnnd darumb reden ſie von d̓ welt. vnd die welt hoͤret ſye. wir ſind auß got. der got hat erkent. der hoͤrt vns der nit iſt auß got. der hoͤrt vns. nit. In diſem erkennen wir den geiſt der warheyt. vnd den geiſt der irrſale Allerliebſten wir ſollen liebhaben an einander. wan̄ dyllieb iſt auß got vnd ein yegklicher der da lieb hat d̓ iſt geborn auß got. vnd erkennet got Der nit lieb hat. del erkennt got nit wann got iſt die lieb. in diſem iſt er­ſchynen die lieb gottes in vns. wan̄ got hat geſendet ſeinen eyngeboren ſun in diſe welt. das wir leben durch in. In diſem iſt die lieb nit als hettē wir gott lieb. Aber darumb das er vns vor hatt liebgehabet. vnd hatt geſendet ſeinen ſun zuͦ eim verſoͤner vmb vnſer ſunde/ Allerliebſten. hat vns got lieb gehabt So ſollen wir auch liebhaben aneinander. Reiner ſah nie got. Ob wir liebhaben anein ander. got beleibet in vns. vnd ſeyn lieb iſt volkumen in vns. In dieſem erkennen wir das wir beleiben in im vnd er in vns. wann er hat vns ge­ben von ſeim geyſt. vnd wir haben geſehen vnd bezewgen. das der vat­ter hat geſendet ſeinen ſun zuͦ einem behalter der welt. Wellicher bekent. das iheſus iſt der ſun gottes. got be­leibet in im. vnd er in gott. vnnd wir haben erkennet vnd gelaubet d̓ lieb die got hat in vns Got iſt dy lieb vn̄ der da beleibet in der lieb der beleibet in gott. vnd got in im. In diſem iſt die volkumen lieb bey vns. das wir haben ein zuͦuerſicht an dem tag deſ vrteyls. wann als er iſt. vnd wir ſey en in diſer welt. die vorcht iſt nitt in der lieb. aber die volkumē lieb wirft auß die vorcht. wann die vorcht hat pein. Wer aber ſich fürcht der iſt nit volkumen in der lieb. Darumb ſollē wir gott lieb haben. wan̄ er hat vnſ zuͦm erſtē liebgehabt. Ob etlicher ſp­richt ich hab got lieb. vnd haßt ſeinē bruder. der iſt ein luͦgner. wann wer nit lieb hat ſeinen bruder. den er ſiht wie mag er got liebhaben den er nit ſiht. Vnd das gebot haben wir von got. das der got llebhat. d̓ hab auch lieb ſeinen bruder. Das.V. capitel. Imiegllicher der do glaubt das ieſus iſt chriſtus der iſt geborn auß got. vn̄ ein iegklicher. der da liebhat den. der da gepar. der hatt auch lieb