Seite
Die epiſtel Iude Die vorrede hat ein end Vnnd hebt an die drit epiſtel iohannis. Ch alter ſē de dē gruſz gayo dez liebſten. dē ich liebhab in d̓ war heyt. aller liebſter ich thuͦ gebet das du gelücklich eingeeſt vn̄ wolmüg lich. als dein ſel thuͦt gluͦcklich Ich bin groͤßlich erfrewet. da dye bruͤder kamē vn̄ gaben gezeugknuß deyner warheit. als du geſt in der warheyt Ich hab nit mer gnad diſer dinng. den̄ dz ich hoͤr geen meyn ſun in der warheit. Aller liebſter. du tuͦſt trew­lich. was dings du wirckeſt vnd̓ die brüder. vn̄ das vnder die bilgrin. die da haben geben gezeugknuß deyner liebe in dez angeſiht der kirchen. dye du wolthuͦnd fuͤreſt wirdigklich zuͦ got. wan̄ ſie ſind außgegangē vmb ſeinen namen. vn̄ haben nichts ge­numen vō den heyden. darumb ſoͤl­len wir ſoͤllich auffnemen. das wir ſeyen mittwurcker der warheit. vil­leicht icht het geſchryben der kirchen aber diſer diotrepes. d̓ da liebhat zuͦ tragen die hoͤhſten oder erſten wir­de in in. der empfaht vns nitt. vmb dz. ſo ich kum. ich beweg ſeine werck. die er tuͦt. mit uͤbeln woeten klaffent wider vns. vn̄ als benügen im nitt diſe wort. noch auch empfeht dy brü der. vn̄ dye ſie empfahen. den̄ weret er. vnd wirfft ſie auß von der kirchē. Aller liebſter nitt woͤlleſt nachuol­gen dez übel. aber dz da guͦt iſt. Der wolthuͦt. d̓ iſt auß got. der uͤbelthuͦt der ſiht nit got Demetrio wirdt ge geben gezeugknuß von allen. vnd vō der warheit. ſunder auch wir ge­ben gezeugknuß vn̄ du haſt erkant das vnſer gezeugknuß war iſt. Ich het dir vil zeſchryben. ich wolt aber dir nit ſchreiben durch die federn vn̄ durch die dintē. ich verſihe mich aber dich ſchier zuͦſehen. vn̄ wir reden vō mund zuͦ mund. Der frid ſei mit dir Dich gruͤſſen die frewnd. Du gruͤſſe die frewnd vō namen zuͦ namen Die drit epiſtel Io hannis hat ein end. Vnnd hebt an die vorred uͤber iude. Vdas ein zwoͤlffbot der bruͦder Iacobi. leret alſo dy bruͦder vō den zerſtoͤ rern des wegs d̓ war heit. das er grundtlichen außlege. dz es vnzymliche ſeye. das die. dye ein­mal erlediget ſeyen von dem ioh d̓ dienſtberkeyt. widerumb ſolten er­newen ir arbeit mit dienſtlichem an beten. Hie hebt an die epi ſtel iude. Darinn er alle menſchen irs eygens heyls vermanet. Vn̄ vō dez kampff michaelis vnd ſathane des teufels ſaget. Vnd der ketzer le­be. vnd ir boßheit vnd irrſale ver­fluͦcht Vn̄ ine auff die ewigen pein droet.