Seite
Die epiſtel Iude CcccI das ein lenecht ie ſu criſti. Aber ein bruͦder iacobi. den lieben. die da ſind in got dem vater. vnd in chriſto ie­ſu behalten. vn̄ geuordert die barm hertzigkeit. vnd der frid. vnd die lie­be werde in euch erfullet Aller lieb­ſten ich hab gethan alle ſorgfeltig/ keit euch zeſchriben vō ewrm gemei nem heyl. vnnd hab gehabt euch ze ſchribē notturfftigklich. vaſt bittēd das ir ſtreytet eineſt von wegen der grundtueſte des gegeben gelauben den heyligen. wan̄ es ſein ettlich mē ſchen vndereingangē. dy ettwa vor geſchriben ſind in dz gericht der vn guͤtigen. übertragend die gnad vn­ſers herren in die vnkeuſch. vnnd al lein verlaugend dē herſcher vnd vn ſern herren ieſum criſtum. Ich will euch aber eineſt ermanen. die ir wiſ­ſeet alle ding. das iheſus. der da hatt behalten das volck von der erdē egi pti. hatt verloren zum andern mal die. die da nit haben gelaubet. Aber die engel. die da nit haben ir fuͤrſtē­tumb behalten. ſunder ſie habē ver laſſen ir hauß. hat er behalten zuͦ dē gericht des groſſen tages mitt ewi­gen banden. vn̄ der der tunckelheyt. vnd ſein worden ein exempel. Als ſo doma vnnd gomorra. vnnd dye nahenden ſtett. die in ſoͤllicher maß vnkeuſchten. vnd giengen ab nach dē andern fleyſch erleydend die pein des ewigen fewers. Des geleychen auch diſe vermeyligen das fleyſch. Aber ſie verſchmehen die herſchung vnnd leſteren die maieſtat. da Mi­chael der ertzengel krieget mit wor­ten von dem leyb Moyſi. mitt dem tewfel diſputtierend. er torſt nit ein tragen das gericht des laſters. aber er ſprach. Gott gebiete dir diſe. aber was ſie nit wiſſen. das leſteren ſye. was ſie aber natürlich als die ſtum menden tyer haben erkennet. in dez werden ſie zerſtoͤret. Wee den. die da abgāgen ſein in den weg Cayn. vn̄ ſeyn außgegoſſen in der irrſale ba­laam mit dem lon. Vnd ſein abgā­gen in der widerredung chore. Diſe ſeyn mackel wirtſchafftend in iren eſſen. weydendt ſich ſelb on vorcht. Sie ſein wolcken on waſſer. die vō den winden vmbgetragen werden. herbſtlich. vnfruchtber baum. zwir geſtorben auß gerewtet. Dye flüſs des grauſamē meeres außſcheymēd ir zuͦſamengyeſſung irrende geſtirē dē die windſprewl der vinſternuß­ſen iſt behalten ewigklich. Es hatt auch von in weißgeſaget der ſibend von Adam. Enoch. alſo ſprechend. Nemet war. es kumpt d̓ herr in ſey­nen tauſend heyligen zuͦthuͦn das gericht wider alle. vnnd zuͦſtraffen all vngütigen vō allen iren boͤſen wercken mit den ſie boͤßlich gethan haben. vnnd von allen herten wor­ten die geredt haben die vnguͤtigen ſuͤnder wid̓ got. Diſe ſein die murm ler von klag. wann derend nach iren begirden. Vnnd ir mund redet dye hohfart wunderlich erend dye per­ſon von wegen des gewinns. Aber aller liebſten ir ſoͤllet ingedenck ſein der wort. dye vorgeſaget ſeyn von den apoſteln vnſers herren Iheſu chriſti. Dye euch ſagten das in den iii iij