iijX Der ſündige Cayn hat zuͦ erſt die irdenſche ſtat gebuwet dor in er forchthalbdie ſinē inſatzt dor vmb das er gewalt treib vnd roubt vnd verſach ſich als er thet. wirim wyder gelten. dor vmb wolt er ſicher ſyn. der ſelb ſchluͦg todt ſinen bruͦder Abel vßhaß vnd ward von dē herren geſtrofft das er wie ein verloͤffiger verzwifelter vnd irriger zuͦ letzſt von Lamech erſchlagen ward.Ich hab hin vnd her beſchriben vil Eras. mancherley künigen voͤlkern groͤſer geſchichtē vnd treffenlicher perſonen die dye aſtronimi bruͦchent in iren rechenūg von Adābitz vff Alphonciū. Iſt aber Era ein beluͦmpte zit eins volks oder gloubens die anfocht von einer geſchicht die vaſt boͤß od̓ vaſt guͦt iſt. vn̄ zuͦ tütſch mag mans ein datumheiſē. noch dē mā offenlich beſchribūg macht do vō ſant Leo d̓ erſt des namēs bruͦchtzuͦm dickerenmol in ſinen epiſtolen das wort Era.Hyſtoria alß Cicero ſeit iſt ein gezüg der zit. ein licht der worheit. ein meiſterin des lebens. ein verkünderin des alters. dor vmb iſt vaſt nütz vil hyſtorien zuͦ wiſſen vnd ſichin denen üben vff das wir lernent vil exempel der andernn wie wir ſoͤllennt dem nochuolgen das vns nütz iſt vnd das ſchaͤdlich miden..X. Adam ein heiliger man iſt al die tag ſo er gelebt hat erlücht geſyn in dem geiſt.der wiſſagūg. hat ouch groͤß vnd lang buͦß gethon. hat ſinē ſünen geben geboͤtt der gerechtikeit. vnd verbot inen das ſü ſich gantz hüttent vor der geſelſchafft Cayn vnd ſyner ſün. ſich ouch nit mit der Ee zuͦ inen verpflichtent. der ſelb vnſer erſter vater hatvns vm̄ einer ſünde willen vertribē vß dem ꝑadiß. aber durch ſyn heilig vnd buͦßfertigweſen hat er vns geben ein exempel wyd̓ zuͦ kūmen zuͦ den freuden des himliſchē richsder dē exempel nit nochuolgt beclagt ſich von dem erſten vnbillicklich.
