dccxcv. malaleel hat gele bt dccc/ xcv. dcccclxx. Iareth. dcccclxij jor. Mcxxij. Enoch. ccclxv. Mcclxxxvij. Matuſale. dcc cclxix. Mccccliiij. Lamech dcclxxvij .X. Adam ſtirbt vnd wirt begraben in ebron. Der Enoch iſt gerecht geſyn vnd hat got wolgeuallen. vnd durch ſy ner übertreffend̓ heilikeit willē hat in got in das ꝑa diß gefuͦrt do lebt er mit Heliā in groſer ruͦg des libes vnd geiſts bitz vff die zuͦkunfft des endcriſts. wā dor noch werdent ſü vſher gon zuͦ einer erſterkung vn̄ beueſtigūg d̓ erweltē vnd werdēt gekroͤnt durch die marter. Enoch hat noch im geſchrifft geloſſen Dyſer Matuſale iſt d̓ elteſt geſyn noch d̓ menig der jor von dē die geſchrifft ſeit. wā do er. d. jor hat do ſprach got zuͦ im buwe dir ein hüß wiltu wā du wirdeſt noch. d. jor leben ſprach er vmb ſo kurtzer zit willē wil ich kein hüß buwen. vnd ruͦwt in dē thannenn vnd vnd̓ dē boumē alß er vor gewont hat. Lamech ward wol gepi niget vō dē frouwē. wo durch einer ſündet do wirder durch geſtrofft Der Lamech hat zuͦ erſt wyd̓ die natur vnnd ſitten angefangen od̓ geordent dz einer zweier wyber mā werdenn moͤcht in dē das er ſyn Ee brach er toͤd ouch cayn doch on ſyn willē. wan alß er alt ward vn̄ ſyn ougē finſte̓ wurdēt fuͦrt in ein kint das meint et het ein wilt tier geſehē zeuͦgt im dz er ſchüß. vnd alſo durch ſchoͤß er cayn. ſchluͦg ouch das kind od̓ knecht dor vm̄ ſo übel das er ouch ſtarb. Hoͤflicheit. Die ryſen ſind vff erdenn. Merck das al künſt ſü ſige weltlich fry hantwerck oder naturlich. die mēſchlicher geſchiglicheit dienent ſint fūdē alß man liſt von dē ſünen Lamech alſo ſint die vnellichē kinder zuͦm erſten ſubtiller geſyn den die andern die ſelben dor vmb das ſü forchtendt ſchaden des ſintfluß vnd fürs machtent ſü zwo ſülen ein irden die auder von marmelſtein vnd ſchnitent oder gruͦben dor in die kunſt. Boßheit nympt zuͦ vnnd meret ſich vff erden. Der iabel hat zuͦ erſt geordennet wonūg der hirtē vn̄ gezelt gemacht. Begirlicheit der oren. Der jubal ein vatter d̓ ſinger od̓ ſpil in harpfen vnd orgeln ein erſter find̓ d̓ kunſt des ſingēs. hat ouch vß dem gethoͤn d̓ hēmer die cōcordantzē oder ein halli keit der toͤn erkant. Begirlicheit d̓ ougen. De̓ Tubalchayn iſt d̓ erſt ſchmit geſyn vnd d̓ mit hā mern̄ werckt alle werck in. ertz od̓ yſyn. vnd iſt ein fin der geſin d̓ kūſt bild zuͦ gͣbē Begirlicheit des fleiſch Der Neoma het fundē die kunſt mancherley webens hat vß wollen vnd flachs faden gemacht dor vß tuͦch geweben hat vmb lichte willen. wā vormolß bruͦchtēt ſü für cleider fell von den tiernn.
zum Hauptmenü