Seite
vij. Sichionorū rich get vff. Agialeꝰ primus rex. Alß do ſeit augꝰ im x­iiij. von der ſtat gots das rich d̓ ſichioniorū iſt vaſt clein geſin von wel­lem d̓ aller gelerteſt var­roglich alß vō alten iten ein vrſprūg hat. dor noch kam es an die von atheniß dor noch an die latiniſchen dor noch an die roͤmer. Noch dē iſt kūmen Europꝰ der ander künig ſichioniorū vnd hat gewert bitz vff die zit be­li des prieſtes vnd richters in iſrahel. Dieſer wirt geſeit chā ein ſün noe zoraſtes pri. rex a ctianoꝝ Augꝰ ſeit dz dyſer zora­ſtes lacht ſo bald er ge­borē wart bedüt ouch dz wūderbaͤrlich lachen nütz guͦts ſo das allenn gemein iſt in dieſe welt mit weinē zuͦ kū­men. hat ouch fūdē die ſchwatz kn̄ſt ward vō nino im krieg über wūdē d̓ ver­brant im ſine buͤcher. Die nemliſt ſtat Euſeby vnd der heidē die alte zit beſchriben hebt gemeinlich hie an. Dyſe groſſe ſtad hat ninus gewiteret vn̄ hat ſü von ſym namen genant niniue. Die houbtſtad in aſſirien. Belus d̓ erſt kü­nig aſſi­rioꝝ hat geregiert. lxv. vn̄ etlich ſagēt er ſige ſat̉nꝰ geſin. Man ſeit von dē Belo er hab geregiert in finſter. vm̄ das er ein clein herſchafft gehan hat vnd iſt dē erſt geſin dē irrūg des volcks het für eī got gehaltē do er erkant das er von vil voͤlckern mancherley na menn hat Bel Baal Baalim Beelphegor Beelze­bub ⁊cͣ. iſt ouch vnordelich vnd groß irrung ī men­ſchē geſchlecht geſin mher den zwei tuſent jor.:. Diß rich iſt gar noch nye in fridē geſin. Niniue die groß wirt zerſtoͤrt ī d̓ zit joſue eins kü nigs jude. Ninꝰ de̓ ande̓ kü uig. aſſirioꝝ eī oͤbſter fürſt hat geregiert. liiij. Der ninus durch begird willē der herſchūg fuͤgt er ſinē noch­buͤren krieg zuͦ. ſiteinmol das das volck noch grob waß hat ouch noch nit übūg in dē wo­fen̄ noch vernunft in kriegen brocht er vnderſich gar noch gantz aſiam vnd iſt worden der erſt oͤberſte fürſt in oriēt. alß er aber vaſt betrübt was vmb ſins vatters Belus tods willē ließ er im zuͦ troſt vnnd freud machen ein bild das ſim vatter glicht. dem ſelben erboͤt er ouch ſoͤlch ere dz er al len übeltetigen vergab vnd ſü frihet die dor zuͦ fluhent. zuͦ des glichniß machtēt vil irē lieben fründē ſolich bild alß aber die boͤſen geiſt ſohēt hoͤflicheit des volcks enthieltēt ſü ſich in den bildē vnd gobent antwort ſeitent ſü werent goͤt vnd hieſent inen goͤtlich er tuͦn. alſo iſt das aller vnſeligſt laſter d̓ abtgoͤterig vferſtanden dz d̓ goͤtlichē maieſtet allerueſt wyder iſt. nam ouch die vnſinnikeit der lüt alſo vaſt zuͦ das man eim das ho­ubt abſchluͦg der ſü menſchen hieß. X Augꝰ ſeit das vnder vil richen diß ertrichs in welchē jor geteilt iſt gemeinſchafft vn̄ geſelſchafft irdenſcher nutz vnnd begirlicheit die wir in eim gemeinē wort heiſent die ſtat d̓ welt ſehēt wir das zwei rich vaſt fürtreffent die andren. das erſt aſſirioꝝ. das an der der roͤmer. ſü ſind ouch der landſchafft noch vnd ordenūg vnderſcheiden. alß ſü d̓ zit noch vnd̓ſcheidē ſind. dz erſt hat āgefangē am vffgang d̓ ſunnē. dz nochgend an der ſunnē nyd̓gāg des end iſt geweſen des andern anfang. die andern rich vnd künig nen̄ ich anheng.