Seite
xvj Der hat gemacht capuam in cāpanien vn̄ hat do regiret xxviij. jor. Capis ſiluiꝰ. xx vi. jor. Uon den exempeln̄ der heiligen die noch der zit louff nit ſampt ſunder noch einand̓ ge weſen ſind ſeit Grego. in dem buͦch der ſitten. das durch ein wūderbar ordenūg gots geſchicht ſige das etlich zuͦ erlüchtung der nacht diß lebeus wie ſternen in dyſer welt ſchinen. bitz der alt morgēſtern das iſt der erloͤſer mēſchlichs geſchlechts erſtünd. wā zuͦ erzeugen vnſchuld iſt kūmen abel. vns zuͦ lernē reinikeit d̓ wirckūg iſt kūmē enoch. vns zuͦ verkünden langwirikeit vnd hoffnūg des wercks iſt kūmen noe. vns zuͦ offen­baren gehorſamkeit iſt kūmen abraham. yſaac iſt kūmen zuͦ erkündūg küſcheit des E lichen lebens. vns zuͦ offenbarung lidlicheit arbeit iſt kūmen jacob. zuͦ vergeltung guͦts vmb boͤſes iſt kūmen joſeph. zuͦ erzeugūg ſenfftmütikeit iſt kūmen moyſes. vns zuͦ ler nen das wir beſtanden in widerwetikeit iſt kūmen joſue. vns zuͦ erzeugen̄ patzientz ge dult in dem liden iſt kūmen iob. alſo iſt ſchinlich wie in vergangen ziten iſt gar ein klein zal geſyn d̓ volkūmen. aber in dyſen zitē der pphetē hand vaſt gewachſen die exempel der heilikeit. do ouch vil gemarteret wurdēt durch des gloubens willen eines waren gots. nym war wie ſehent wir ſo lüchtent ſternen in dem hīmel vff das wir moͤgēt gon den weg vnſer nacht mit vnuerſertem ſuͦß.