Seite
.xlv. Der herodes ydumeus iſt der erſt vſlendiſch künig by den iüden geſin des ſelben hyſto ria beſchribt der meiſter gar fliſlichen vn̄ ſpricht. Es ſy geſin ein geſtrenger vnd gloub haftiger man der ſich in allen dingen redlich hab gehalten. vnd iſt geweſt gar genem. den roͤmern vnd dem volck die fridſam worend vnd fride lieb hetten. Er hat ouch vil guͦter werck gethon die der gedechtnūß wol wirdig werend Aber in ſinem alter do er den roͤmern zu vaſt wolgefallen wolt vnd hoͤret von der geburt iheſu criſti do foͤrcht er ſere er würde als ein vſlendiger von dem rich geſtoſſen vn̄ vil elendiglich vn̄ ſchentlich von ſinen ſynnen vnd ver ließ ſin alte erberkeit vnd gute werck. vnd ließ die vnſchuldig en kyndlen toͤten vnd ouch etlich ſiner ſün do von er ſich ouch beſorgt das er vertriben würde in ſinem alter dorumb in zuͦ leſt yderman haſſet vnd vigend wurde. vnd ſtarb ei­nes ellendiglichen todes Die künig iudee. Hero des. Aſcolonita. xxxvij. iar .ijᵐ.ccixx. Iar der welt. Die linie criſti. Im iar vor criſtus geburt. xx Zacharias vn̄ eliſabet ſind bede eins heilign̄ lebens geſin vn̄ eltern ſant ichāns baptiſt Ioachim vn̄ anna ſind clar vn̄ ſchinbare in heilikeit irs lebens die domoch vß ſünder. licher genade vnd heilikeit wirdig ſind geſin zuͦ gebern die blumen d̓ gantzen ſelikeit. mariam. die do vbertrifft alle creatur. welche maria vns got geborn hat. Iohannes baptiſta wart geborn dem nymant groͤſſer vnder der geburt der wiber vff er trich ye erſtunde. In den zyten ſind vff komen die burgundiones die all zyt ſind gar manbar geſin vn̄ men lich geſtriten habent vnd angeſehen das ſy vf dem rinſtram vil bürg gehabt haben ſind ſie genant worden burgunder. Marcus agrippa ein ſchwager octauiani des keiſers. hat angefangen zuͦ buwen vff dem rin ein ſtat nach ſinem namen genant agrippina. wel­che ſtat dornoch Coͤln geheiſſen worden iſt.