Seite
xlvj. Die roͤmiſchen keiſer gond nocheinand̓ in diſer linien. die all merer heiſſen des richs. vmb ſunderbarer übertreffung diß auguſti das iſt merers. Für war es iſt billich das der alle den namen geb der yderman vff geſatzt hat form vnd regel zuͦ leben vnd regiren. in im iſt fürwar ouch ſo groſſe frümkeit vn̄ ſtrengikeit erſchinen das koum gloublich iſt. das ye die abgeſetzt oder zerſtoͤrte natur moͤcht machen einen der ſolichē menſchliche natürliche vernunfft het. was ſol ich vil ſagen er iſt wirdig geweſen zuͦ ſehen criſtum mit ſiner gebenedigten muͦter als wer er ein erſter geſin d̓ berüffung des volks. Er wolt ouch dornach nit mer herre genant werden vnd buwet im zuͦ erſt ein altar d̓ demütig keit tugenhafftikeit volkomenheit oder geſchicklikeit gedult vn̄ wolgezogenheit die gar ſelten in ſo groſſer hoͤhe eins mans zuͦ ſamen kamen der aller iſt er ein ſpigel vnd ex empel geſin. vn̄ hub kein krieg an er würde dann gezwungen dor zuͦ. wann er ſprach. Es iſt ein groſſer ſchad mit eim gülden netz zuͦ fiſchen. wann d̓ ſchad der netz mag kei ner vohung d̓ fiſche gelichen. Und zuͦ den die im übel redten ſprach er. Es zimbt ſich wol das in einer frien ſtat fry zungen ſiend. Er ließ ouch ſin ruͤter nit müſſig gon vn̄ noch zertlich vn̄ wolluſt leben. wann ir weſen iſt vff arbeit geſetzt. Er ſchuͦff das ſin toͤchter vnderwiſen worden d̓ arbeit die man mit wollen tribt vmb wandelbarkeit zitlich ding Sie hetten ouch nit allein die kunſt in ſpinnen vn̄ weben ſunder ouch den gebruch vnd übung. Er ließ ſie ouch nit zuͦ im komen dann mit ernſthafftigem angeſicht vnd on alle zier d̓ kleidung. Die rich die er durch kriges recht gewunnen het gab er wid̓ on gar wenig oder gabſie gütlich den fruͤnden er ließ ſich ouch gantz demütiglich am gericht als ein gezoͤugen frogen vn̄ verwerffen vn̄ hat ouch vil d̓ gener mit den er groß gemeinX .Cxſis ward gelorn I ſar ilꝰ cc.d welt Die linie criſti. Die hebt ſich an das.vj. alter v d wnt ſ waſrr w jor wie vil tar des iſt weiß nye­wes Sa ane ger wnet guntu Criſtus der herr ward geborn von maria der iunckfrowen im verbrochtem iar der welt. vᵐ. cxcix. Iar des herren. Imerſſen. In dieſen zitten iſt geborn vnſer herre von einer reinen iunckfrowen noch ſeiner nuͦwen ordnung vnd verheiſſung d̓ propheten. vn̄ das iſt die volkomenheit der zyt von d̓ der zwelff bot ſaget. Do ſchickt got ſin ſun in die welt Dorumb hebt ſich hie an das. vj. alter d̓ welt des ende nymant dann allein got weiß. Un̄ auguſtinus ſagt das diſe vnderſcheid d̓ zitt heiß das alter das ſich offt erſtreckt über alle vergangen vnderſcheiden d̓ zit. Oder al ter wann vil lüt lebent bis ſie. xx. vn̄. c. iar alt werdent vn̄ dorüber. noch dann iſt kunt das wir. lx. ierig lüt alt heiſſend. vn̄ dorum iſt es toͤrlich das man wil die zal od̓ vil de alters beſtümen vil hand es vnderſtanden die al betrogen ſind. Alſo bewiſet d̓ heilig Die zal d̓ criſten die fürnemſtaller zal die aller bekanteſt vn̄ aller /doctor auguſtinus geerteſte vn̄ gewirdigiſte iſt das. xlij. iar Octauiani vn̄ in der. c. vn̄. xciij. Olimpiade dz iſt des ſpils das man von. v. iaren zuͦ. v. iaren macht in d̓ ere iupiters von olimpia d̓ kü­nigin vffgeſatzt vnd als beda ſagt im iard̓ welt. vꝰ. vn̄. c. xcix. er ſolt als ein verß ſagt Nymb ein iar von fünfftuſenden vnd zwei hundert. das iſt das iar do vnſer ſchoͤp­pfer in geborn iſt worden. Aber vor criſto ſind. cc. eins iars mind̓ vnd. vᵐ. vn̄ diß wirt al ſo von d̓ kirchen gehalten als dz mer bewerteſt iſt ouch gemeiner. Es ſind ouch etlich ander wiß der rechnung ein teil kürtzer als der hebreiſchen ein teil lenger als dy me thodi vnd and̓ von den zuͦ ſagen were ein vnergrüntlichē arbeit vn̄ wenig nütz.