.ij. Iacobus der mind̓ ein zwelffpot vnd biſchoff zuͦ Ieruſalē der ward getoͤt im ſechſten iar Neronis. Der aller ſelligiſte ewangeliſta criſti Marcus ward gemartert im erſten iar Neronis. als Philo ſagt d̓ in ſinen ziten von ſant Peter ein biſchof in Alexandria egypti ward do begraben vn̄ thet vil wunderzeichen. dē volgt noch Amanus ein heiliger man. Symon der zoubrer volbracht vil zoubrie zuͦ Rom. vn̄ vmb das ein yglicher ſich geren geſellet ſinem glich. geſellet ſich d̓ aller boͤſte Nero zuͦ dē übeltetigem Symon vn̄ ver achtet den rot des allergelertſten Senece Dornoch ſind ſie bed noch vil übels dz durch ſie volbrocht ward abgeſtigen in die hell d̓ ewigen verdamnüß. Ieruſalem vnd Iudea ſind durchechtung vn̄ ſchwere krig die durch ſie ſelber erwüſt vnd zerſtoͤrt worden vmb d̓ groſſen ſund willen die ſie wid̓ den ſun gottes volbrochten Umb die ſelbzit ſind. xxxꝰ. erſchlagen worden in den thoren oder ingeng des templs vn̄ die vnhellikeit het ſo lang gewert biß das ſie gantz vertilget wordend. wann ſie hi eſchen Barraban vn̄ nicht den milten vn̄ demütigen iheſum. Iicccrwelt..ijᵐ.cccxlxiij. Die bebſt. Iar dccchxren..lxxiij. Diſer Paulus hat vnd̓ den heiligen ſo in hohe d̓ ſchowlikeit ſo in brunſt d̓ würkung ein vorteil behalten. wann er hat über alle die in diſem leben ſind clerlicher got geſech en vn̄ heimliche wort gehoͤrt die nit ziment dem menſchen zuͦ reden. vnd fleiſt ſich alle menſchen in das himelrich zuͦ bringen als het er die gantzen welt geborn. wer hat alſo gelouffen. wer hat alſo gearbeit als er do er den krichē das ewangeliū vſleit. wer iſt alſo gepinigt vā geſchlahen worden vn̄ durch vnzelich kümer vſgemerkt. wer mag al ſo loͤblich reden das er ſag ich hab mer gearbeit dann ſie alſamen in weltlicher wißhet vn̄ rechten diſer welt doch on abzuͦg goͤtlicher gerechtikeit vn̄ glouben. wer hat alſo erſchinen das er ouch d̓ gantz rot d̓ roͤmer wunder vn̄ lobliche ding zuͦ fügt. Sin lobe beſchribt Iohannes criſoſtomus Potenciana ein iunkfrow. Praxedis ein iunkfrow. Diſe zwo ſind roͤmerin vn̄ ſchweſter geſin Thimothei vn̄ nonati. Conſtancia ein mertrerin. Uitalis. Nazarius. Celſus. Proceſſus. Martinianus. ein martrer. Prothaſius. Herdaſus. Torpes. Felix.
zum Hauptmenü