.lij. Ieruſalem ward zerſtoͤrt im andern iar veſpaſiani von tito ſinem ſun vnd wurdent. xj.. tuſent erſchlagen vnd. lxxxᵐ. verkoufft. vnd zuͦ den ziten gieng ab das rich der iuden. vnd wirt nicht wider erhebt werden vor der zit des endecriſts. Uon diſer gruſamlich en ſchlacht liſet man wunder. alſo ſaget ioſephus. Merck das vmb der rechnung wil len die billichen geſchach ſagent die lerer das criſtus in der gantzen welt fride macht. als in ſiner geburt ioſephus der wol bekanteſt vnder den hiſtorien ſchribern ein ind von geburt ward hoch geacht doch ſind ſin bücher durch vnkünnenheit der ſchriber oder lenge d̓ zit an vil oͤrten vngerecht. Sant appollinaris ward zuͦ den ziten zuͦ rauenna gemartert. Do ward er von ſant peter hin geſchikt ein biſchoff zuͦ ſin. vn̄ ſinen tag beget man am xxiij. tag kal. iulij. vn̄ merk das wed̓ veſpaſianus noch titus hieſen tun das wid̓ die kirchen wer. Aber etlich rich ter die vnd̓ in warend die durchechtigeten die criſten d̓ vorderingen gebot halb. Die erſt durchechtung geſchicht zuͦ rom durch geheiß neronis in welcher die ſeligſtn̄ fürſten des criſtennen volks petius vn̄ paulus gemartert wurden mit vil andern. Uil wunderzeichen erſchrackten die iuden ee dann ieruſalem zerſtoͤrt ward. Dy wun der vindet man in d̓ hiſtoria eccleſiaſtica Als petrus überwand ſimonē der ellendiglich ſtarb. ward petrus durch geheiß neronis gecrütziget vn̄ begraben in vaticano im letſten iar neronis. Paulus d̓ erwirdig zwelff bot wart zuͦ d̓ ſelben zit doch nit am ſelben ort enthoubt by den waſſern die man ſalinas od̓ ſaltzwaſſer heiſſet im wege oſtienſi. Iar der welt. Die bebſt. In den ziten kom vff das ſchoͤtiſch volk von den pictarden vnd hibernern in albania das do iſt ein teil in engelland. drcdcclhcxxen.xxiij. Sanctus thomas der die parthos nam in ſin teil ward in indien gemartert ein zweffbot vnd ligt doſelbs im̄ vffgang der ſunnen. Andreas nam ſithiam vnd ward zuͦ achia gemartert. Matheus nam die moren vnd ward in moren land gemartert. Bartholomeus nam indiam. prediget den elteſten der ſtat licaonie vnd ward in albano der groͤſſern armenien gemartert. Philippus prediget durch ſithien xx. iar ſtarb zuͦ ierapoli. Aber man. helbt im buch det lyden d̓ heiligen. er ſye gecrütziget worden. doch allein er vn̄ ſant iohanns ſind nit gemartert worden. die andern alle ſind getoͤt worden. Mathias ward in iudea gemartert od̓ in egipten. aber vff welche zit vn̄ an welcher ort vn̄ durchwas marter ſind mangerley meinung. Barnabas ein mit zwelffbot pauli ward gemartert in cipern. Lucas ein iunger pauli vn̄ ewangeliſt ſtarb in bithinia. Titus ein diaconus pauli ſtarb in papho. Unddius ein biſchoff in antiochia ward do ſelbs gemartert. Sileas ward in macedonien gemartert.
zum Hauptmenü