Seite
lviij. Reiſer. Cōmod xiij. jar. Aureliuſ geiſſcio anchonio Diſer Cōmodus iſt geſin ein ſun Anthonu veri gantz ein verlimpter vnd vnküſcher man vnd alſo ein vnmenſch das er ein viend menſchlichs geſchlechts geheiſen ward er erdot vil der raͤt vnd in ſunderheit die die die anderen in adel vnnd vernūfft übertra­ſent er was ouch ſo hochfartig vnd übermuͤtig das er zuͦm dickern mal ein loͤwen hut an dāt vnd wolt da durch erzeugen das er wer ein künig über die lüt als ein loͤw über tier aber wa erſchint die ſtetikeit der marterer. da verdrüßt mich vō der fleiſchlicheit der weltlichen menſchen zuͦ reden. Die. v. durchechtung der kirchē geſchach durch geheiß ſeueri der volgt vff ſtat nach die rach gotz vmb der krieg willen die zwiſchet den burgern erſtuͦndent jn welchē die roͤmer vaſt gedempt vnd gedemuͤtiget wurdent. Theopilus ein biſchoff anthiochi e. Appolinaris Ierapolitanus biſchoͤff. Narciſcꝰ ein patriarch ieroſolimitaꝝ Dyoniſius ein biſchoff chorintheoꝝ Pilippus ein biſchoff zuͦ troy. Catafrige ketzer ſind vff geſtandē jn frigia die ſprechent ſie habend allein den heiligen geiſt vnd das er den. xij botten nit geben ſy. Montanus Priſca vnd Maximil­la ſind ir meiſter vnd vnderwiſer ge­ſin. Philippus ein richter vnd amptman alexā drie mar. des tochter eugenia vnnd ſin kne­cht die ſich frowen nit vermochtent. Prothus vnd jacinctus von denen man ein wunderbar hyſtorien hat. Tertulianus vō affrica hoch in der kirchē geachtet zuͦ den ziten ward den chriſtē frid zuͦ geſeit aber er wert nit lang. Thodocion der drit vß leger goͤtlichs ge­ſatz. hilr dccxxclx..ijᵐccclxxiij Baͤpſt. mar. j. Sother .ix. ior. iij. monet. xij. tag. Campanus concordio von der ſtat fundana .iccxſl..ccxiij. Der hat geordenet das ein kloſterfrow ein wi­ler truͦg aber ſie ſoltent nit an ruͤren die gewichten tuͤcher oder altar tuͤcher. das ouch nit in der kirchen liechter entzündent. ſitemal ouch vil widerwertickeit vnd vnfal ge­ſchach in der E ordenet er das keini für ein Ee wib gehalten wird ſie wer den durch den prieſter ingeſegnet vnd erwirdiklichen von den fründen vß geben vnd verhuͤt von den brütwarterin oder e macherin. Zuͦ letſt iſt er nach ſim heiligen leben durch ein hei ligeren tod durch die marter zuͦ got gefaren vnd hant in begraben die chriſtenen in va­ticano in ſanct peters kirchhoff vnd ward das bapſiuͦm. xxij. vnderlaſen.