lxxi Gantz welſchland vnd Africa vnd hyſpania ⁊cͣ. vß goͤtlicher verhengeniß von Inlouf der Garbarer d. tuſent vnd garnoch alle ſtet ſint zerſtroͤwet worden vff das ertrich vß genomen etlich die do gehabt hant heilige biſchoff dorumb ſie vō got behuͤtet ſint vn̄ woren gruſame zyt die ſtat Metz hat vnüberwintliche muren aber ſie vielen vm̄ ſünd halb der burger vnd alſo ward ſie verbrant. Die kilch gots ward vaſt betruͤbt in d̓ ſelben zyt vnd ſunderlich in Africa wann do Auguſtinꝰ ſtarb do ward die gantze prie/ ſterſchafft antweders gemarteret od̓ von iren hüſern in das ellend vßgeſtoſſen vn̄ was ouch kein ſoliche durechtung von denen byß yetz vmb Geuſericum den künig vuanda lorum vnd honericum ſin ſun die do woren Arriani vnd beſchluſſen die kilchen zuͦ leſt verdurben ſie boͤſtlichen alß denn gewon was. Marcian mit valentiniano. vij. ior. Diſer Marcianus wz ein criſtin vn̄ gebot mit valentiniano aber noch dē wur den ſie vß der iren by Conſtantinopel er toͤtet diſer ſach im ſchloff den bogen at tile zerbrochen do von er verſtūd das er geſtorben were als ouch geſchach. Mamertinꝰ ein abt geſin in dem cloſter ſanct germani vnd allodius was vor im Codex wirt gemachet welchs buͦch ouch Theodoſianus würt geheyſſen d̓ aller red licher fürſten begriff haltet Genouefa ein iungfrow iſt namhafftig zuͦ paris die ward gewilert von ſanct Germā Euticem ein Abbt zuͦ Conſtantinopel eyn keczer ſagt das do wer ein natur des wor tes gotes vnd des fleyſches vnd dioſcoruſ vorzyten ein biſchoff zuͦ alexandrien was ein beſchirmer des ſelben. Merlinus der geboren iſt von den geyſten die incubi heyſſen iſt namhafftig von dem geyſt der wiſſagung in Britania vß welches Inbloſtes wortogonus d̓ küng der Britanier hat gewiteret den gloubē chriſti diſem iſt noch kommen vterpands gron ſin bruͦder d̓ do was ein vatter Arthuri von welchem er ouch gewiſſaget hat vter dz iſt eyn houpt des drachen wan̄ durch einen drachen in einem ſternen iſt er vorgeſaget. Das feſt ſanct peters Ad vincula wurt vffgeſaczet vnd wunderbarin zey chen geſchehen durch ſin kettin vil iuden wurden ertrenckt in dem mer als ſie betrogē wurden von dem boͤſen geyſt der ynen erſchein in der geſtalt moyſi alß wolt er ſie fuͤrē in das ertrich d̓ verheyſſung Etlich als ſie dor von komen nomen an ſich den glouben chriſti. Die ſüben ſchleffer erwachtēt die decius vor cc. ioren in der ſpeiuncken beſchloſſen hat Petronius ein biſchoff zuͦ Bon̄. hat beſchribē die leben der vetter ein man von iugent eins heiligen lebens. Hylarius eyn biſchoff Arelaten̄. iſt nam hafftig in welſchlanden Ior der welt. vᵐ. dc. xxxiij. vᵐ. dc. xliij. Taſene leo d̓ erſt xxi. ior .monat. xxvij. tag. Die ior chriſti. cccc.xxxiiij. cccc.xliiij. Diſer heilig Leo iſt lange zyt durch manigfaltige frucht nutz geſin der kilchen als er aber dornoch arbeytet in vnerbarlichen ſorgen vmb tyranni d̓ ſürſten vnd mangerley ketzerigē d̓ falſchen doctorē hat er viel predigen vn̄ epiſtolen gemacht ſo treffenlich dz er vnder allen criſtenen doctoren die bluͦm d̓ dichtung geheyſſen iſt worden vnd alle X
zum Hauptmenü