lxxij Arcturus eyn künig britanie d̓ aller verlümteſt in geſigen ertodt mit ſim ſchwert. cccc vn̄ lx. man kam zuͦ hilff der kilchen gottes witeret vaſt den glouben zwang ouch gācz franckenrich datien vnd norweigē das ſie im muͦſtent vndertenig ſin ward verlorn vn̄ noch hüt weiſt man nit woer beliben ſig Die keyſer. Die bein des propheten helizei werdent gefuͦrt vß ſamaria in allexandrien d̓lib ſang Marcus des ewangeliſten wirt gefuͦrt von allexandrien gon venedig die cleinen latinien werdent vffgeſaczt von mamerto eyn biſchoff von wien Remigius eyn biſchoff zuͦ renß der darnoch clodoneng den künig von franckenrich be kert. Perpetuus eyn biſchoff zuͦ turon. Proſper ein biſchoff erlüchtet in künſtē vn̄ helikeyt beſich von dem land britanie Theodorus eyn biſchoff ſirie ſchreib eyn cronic vnd vil anders dinge Ciprianus ein biſchoff Amſilienß eyn barmhertzyger man über al mos gab alles dz er hat ſinen bruͤderen in ir noturfft. Die keczerig der acephaloꝝ was zu denen zytē das iſt deren die kein obren haben woltent ſaczt ſich wider dz concilium calcedonenſe Eyn gemein frow gebar eins molß. vij. kind vnd warff ſie in eyn wiger der ſelben einer iſt eyn künig worden in lamparten. Engelland was in irem bluͦmen in den zyten Arcturi dē ſelben dientent. xxx. rich aber eyn kurcz zyt vnd merck eyn zeychen das nit velt wenn die ritterſchafft mit luſt eynes ſtrites begert vnd dar zuͦ vrſach ſuͦcht ſo volget gemeinlich eyn ellend end noch dē vn̄ der prophet ſeyt zerſtrow die voͤlcker die do krieg wellent Ohettent zuͦ den zyten die Britonier die yecz engellender heyſſent mit worher vn̄ vffrechter wirheyt regiert ſo werent ſie herren gancz Europen geſin aber do ſie crefftiglich woltent wid̓ die ſtarckē fechten do wurdent ſie eynſmols mit den ſtarcken erſchlagen fürwor es iſt eyn barmherczlichi überwindniß oder ellend wann d̓ überwinder wenig oder kein rüter behebt dorumb ſchadet freuelikeyt vaſt wann ſie nit mit fürſichtikeit geregiert wirt alſo beſchach arcturo Icxder welt.ij.dcxlixij. XAegiſaleꝰ der erſt. vi. ior. iij. monat. vi. tag. Die ior chriſti. cccc. lxiiij. Der hylarius hat gewihet ſanct ſteffans kilchen nebent der kilchen ſanct lorentze hat ouch vffgeſaczt dz kein biſchoff eyn moͤge ſeczen der im nochuolgt als do ſtot. viij. q. j Pleriqꝫ. ward begrabē in ſanct lorenczen münſter das er gebuwen hat.
zum Hauptmenü