Seite
lxxiiij Clodoneus der erſt criſten künig in franckenrich iſt zuͦ diſen zyten von ſanct remigio ge teufft worden wann er hat gar eyn criſtenlich huffrouwen die hieß clothildiſ vnd was eyn toͤchter des künigs von burgund die in zuͦ mangē mol ermant dz er verließ abgoͤt­terig vn̄ gloubt an den woren ſuͦn gots er wolt ir aber nit volgen. darnoch als er ſtreyt wid̓ den künig von tüſchem land vn̄ ſin herr begund niderzuͦligen weint er vn̄ ſprach Ieſu chriſte denn min künigin vergicht eyn ſuͦn gottes zuͦkum mir in widerwertikeyt vnd hilff denen die zuͦ dir hoffnung hant vnd ich demuͤtiger beger diner hilff. vnd als er den ſig behielt kā er mit trü tuſent zuͦ d̓ touffeyn tub brocht ouch von hymel eyn am pel mit criſem vß weller bytz vff diſen tag die künig von franckenrich geſalbet werdent ſinethalb enpfieng ouch das gancz rich criſtenen glouben darnoch was er alzyt glück­hafftig in ſtriten überwand ouch gothos huͦbouch an geyſtlich zuͦ ſin gegen got vnd ſi nen heilgen mit ſunder ouch gegen ſanct Martin dē er mit vil andren goben ein pfert opferet alß aber d̓ künig das pferd von dem heilgen wider loͤſen wolt vnd hieß do für geben hundert ſchilling ſilbers bewegt ſich das pferd gancz nit. Do ſprach der künig gebent nuch hundert do gieng das pferd hinweg noch des künigs willen do ſprach d̓ künig mit freuden fürwor ſanct martin iſt guͦt mit ſiner hilff aber er iſt tür in ſinen ding/ Hie wirt garnoch der ander Conſtantinus vnd die ander helena wider bedocht. Genebaldus d̓ erſt biſchoff zuͦ laudun hat zuͦ erſt eyn huffrouwen die verließ er darnoch kam ſie doch wider zuͦ im vnd macht im eyn heilgen man Olatronem der. im noch kē in das biſtum det ouch wunderbar buͦß Tibrianus eyn ſchot iſt erlüchtet in heilikeyt mit ſinen bruͤderen vnd ſchweſteren. Uedaſtus atrabatenß Leoͤnhart lomorenß vnd lipardus diſcipel remigij. Seuerinus ein Abtauganenß heilet clodoneum Cantianus rethonenß Maxencius eyn Abt pictauienß. Arnulphus eyn biſchoff zuͦ turon eyn marterer Melanius eyn rotgeb des künigs Albinus ein heiliger man mit den andren Uictor mit vil andren durlüchtigen die zuͦ den zyten geacht wurdent in welſchem lād Marſus Latonus Auitus eyn Abt zuͦ orlienß der bad got für die ſuͤn clodonei. das concilium von orlienß wart gemacht durch das gebot clodonei vn̄ alß man ſeit ſanct me lanius hats geſamlet merckouch das zuͦ orlienß vil conſilia ſind geſin. Eunodius ein biſchoff titunienß karilephus gar eyn heiliger man wolt nie von frouwen geſehen werden noch von der geyſtlichen künigin von franckenrich. Ior der weli. vᵐdcciij. Hormiſ­da. ix. ior xvij. es Die jor chriſt xiiij. Der hormiſda was eyn barmherczig man der ouch den kilchen vil geziert gab vn̄ fliſ­ſig was almuͤſen zuͦ geben vereiniget die prieſterſchafft vn̄ die kriechen die im van wo­rent vmb den vnglouben neſcorij begraben by ſanct peter.